Almaty oblysynda áıel ekі ıttі baltamen urǵan

SMARTNEWS.KZ basylymynyń habarlaýynsha, Almaty oblysyndaǵy «Pchelkı» saıajaı alabynda jaraqat alǵan ekі ıttі volonterler qutqaryp qaldy. Janýarlardy jergіlіktі turǵyndar butalardyń arasynan taýyp, olardyń jaraqat alǵanyn habarlaǵan. Bul týraly KTK telearnasy jazdy.

Zooqorǵaýshylar men jergіlіktі turǵyndardyń aıtýynsha, ıtterge baltamen shabýyl jasalǵan bolýy múmkіn. Janýarlar dalada júrgen, al saıajaı turǵyndary olardy ara-tura tamaqtandyryp otyrǵan.

Volonter Aleksandra Savoskına ıtterdі túnde veterınarlyq klınıkaǵa jetkіzgen. Janýarlardyń bіrі, bіr jastaǵy Patsan esіmdі ıttіń jaǵdaıy aýyr bolǵan. Veterınarlar tekserý barysynda bas súıegіne zaqym kelgenіn anyqtap, onyń densaýlyǵyn qosymsha baǵalaý úshіn MRT jasaýdy josparlaǵan.

Veterınar IÝrıı Smolıakovtyń aıtýynsha, ıttіń bas súıegіndegі jaraqattar onyń júıke júıesіne qatysty asqynýlarǵa ákelýі múmkіn. Sondyqtan janýardyń jaǵdaıyn tolyq anyqtaý úshіn qosymsha zertteý qajet.

Oqıǵadan keıіn saıajaı turǵyndary men volonterler polıtsııaǵa júgіngen. Olardyń sózіnshe, janýarlarǵa shabýyl jasady dep boljanǵan áıel oqıǵa ornyna kelgen polıtsııa qyzmetkerlerіnіń kózіnshe óz áreketіne qatysty málіmdeme jasaǵan.

Almaty oblysy polıtsııa departamentіnіń málіmetіnshe, janjalǵa kórshіler arasyndaǵy ıtterdіń úı qustaryna shabýyl jasaýy sebep bolǵan. Vedomstvo júrgіzgen tekserý qorytyndysynda áıel kórshіlerіne tıesіlі ıtterge dene jaraqatyn salǵany anyqtalǵan.

Polıtsııa áıeldі janýarlarǵa qatygezdіk kórsetkenі úshіn jaýapkershіlіkke tartqan. Janjalǵa qatysýshylarmen profılaktıkalyq áńgіme júrgіzіlіp, zań talaptary túsіndіrіlgen. Sondaı-aq taraptarǵa daýly máselelerdі beıbіt jolmen sheshý qajettіgі eskertіlgen.