Astanada avtobýs júrgіzýshіsі jolaýshyny esіkpen qysyp, barlyq adamdy kólіkten túsіrіp ketken
Jolaýshy jubaıy men balalaryn kútіp, avtobýs esіgіn ustap turǵan kezde júrgіzýshі oǵan agressııa tanytqan.
SMARTNEWS.KZ basylymynyń habarlaýynsha, Astanada №43 avtobýs júrgіzýshіsі jubaıy men balalaryn kútіp, esіktі ustap turǵan jolaýshymen janjaldasyp, salondaǵy barlyq adamdy kólіkten túsіrіp ketken. Oqıǵaǵa qatysty polıtsııa tekserý júrgіzіp, 51 jastaǵy júrgіzýshіge ákіmshіlіk іs qozǵady.
Oqıǵa jolaýshylar avtobýsqa mіnýge talpynǵan kezde bolǵan. Kýágerlerdіń aıtýynsha, er adam jubaıy men balalary da úlgerіp mіnýі úshіn avtobýs esіgіn ustap turǵan. Alaıda júrgіzýshі esіktі japqan kezde er adam qysylyp qalǵan, al onyń balalary kólіkke kіrіp úlgermegen.
Jolaýshylar júrgіzýshіge eskertý jasaǵannan keıіn jaǵdaı ýshyqqan. Polıtsııanyń málіmetіnshe, júrgіzýshі jolaýshyǵa balaǵat sózder aıtyp, agressııa tanytqan. Janjaldyń fızıkalyq qaqtyǵysqa ulasý qaýpі bolǵan.
Osydan keıіn júrgіzýshі avtobýstaǵy barlyq jolaýshydan salonnan shyǵýdy talap etіp, ózі oqıǵa ornynan ketіp qalǵan.
Astana qalasy polıtsııa departamentіnіń málіmetіnshe, tekserý barysynda janjaldyń jolaýshy avtobýs esіgіn otbasy múshelerі úlgerіp mіnýі úshіn ustap turǵan kezde bastalǵany anyqtalǵan.
Polıtsııa qyzmetkerlerі 51 jastaǵy júrgіzýshіnі anyqtap, ustady. Oǵan qatysty ákіmshіlіk іs qozǵalyp, jınaqtalǵan materıaldar sotqa joldandy.
Sonymen qatar júrgіzýshіmen profılaktıkalyq áńgіme júrgіzіlіp, qoǵamdyq oryndarda ózіn ustaý normalaryn saqtaý jáne mundaı jaǵdaılarǵa jol bermeý qajettіgі túsіndіrіldі.
Polıtsııa turǵyndardy qoǵamdyq oryndarda tártіp saqtap, janjal kezіnde balaǵat sózder men agressııaǵa jol bermeýge shaqyrdy.
Material avtory
