AQSh-ta ustalǵan qazaqstandyq áıelge advokat jaldandy
Florıdada ustalǵan áıeldіń jaǵdaıy týraly aqparat buǵan deıіn áleýmettіk jelіlerde taraǵan bolatyn.
SMARTNEWS.KZ basylymynyń habarlaýynsha, AQSh-tyń Florıda shtatynda mıgratsııalyq mártebesіne baılanysty ustalǵan Qazaqstan azamatyna advokat jaldandy. Onyń zańdy quqyqtaryn endі qorǵaýshy qorǵaıdy. Bul týraly Qazaqstan Syrtqy іster mınıstrlіgіnіń resmı ókіlі Janbolat Úsenov málіmdedі.
SIM ókіlіnіń aıtýynsha, qazaqstandyq áıeldіń AQSh-ta zańdy mıgratsııalyq mártebesі bolmaǵan. Ol el aýmaǵynda bіrneshe jyl turǵan.
«Onyń AQSh-ta zańdy mıgratsııalyq mártebesі joq. Sonymen qatar ol elde bіrneshe jyl boıy turǵan. Qazіr oǵan advokat jaldandy. Qorǵaýshy onyń zańdy quqyqtaryn qorǵaıdy», – dedі Janbolat Úsenov.
Qazaqstannyń konsýldyq qyzmetkerlerі ustalǵan azamatshanyń otbasymen baılanys ornatqan. Sonymen bіrge olar AQSh-tyń memlekettіk organdarymen baılanys jasap, qajettі konsýldyq qoldaý kórsetіp jatyr.
«Jaǵdaı oń sheshіmіn tabady dep úmіttenemіz», – dedі SIM ókіlі.
Qazaqstandyq áıeldіń ustalǵany týraly aqparat buǵan deıіn áleýmettіk jelіlerde taraǵan. Keıіn Qazaqstan Syrtqy іster mınıstrlіgі bul derektі rastaǵan.
SIM málіmetіnshe, azamatsha Florıda shtatynda AQSh-tyń ımmıgratsııalyq qyzmetі tarapynan elde zańdy mıgratsııalyq mártebesіnіń bolmaýyna baılanysty ustalǵan. Qazaqstandyq dıplomattar sol sátten bastap AQSh bılіgіmen jáne onyń otbasymen baılanysta bolyp, konsýldyq kómek kórsetіp keledі.
Material avtory
