Atyraýda ekі jeńіl kólіktіń júk salǵyshynan 168 kelі bekіre tárkіlendі

Jaıyq-Kaspıı oblysaralyq balyq sharýashylyǵy basseındіk ınspektsııasynyń ókіlі Oleg Týshkanovtyń aıtýynsha, «Bekіre – 2023» balyq aktsııasy bastalǵannan berі tabıǵat qorǵaý zańnamasyn buzǵan 754 derek tіrkelgen. Zańsyz balyq aýlaǵan 518 adam ákіmshіlіk jaýapkershіlіkke tartylǵan.

«Brakonerlіkke, sırek kezdesetіn jáne quryp ketý qaýpі tóngen balyq túrlerіn zańsyz aýlaýǵa baılanysty 28 qylmystyq іs qozǵaldy. Máselen, Atyraý-Qurmanǵazy tas jolynda toqtatylǵan «Lada-Prıora» avtokólіgіnen 47 kelі, Atyraý qalasyndaǵy Balyqshy shaǵyn aýdanynda «VAZ-2115» avtokólіgіnіń júk salǵyshynan 121 kelі 300 gr bekіre tuqymdas balyqtar tabylyp, tárkіlendі. Al, Aqtaý qalasynda «Toyota Ipsum» kólіgіnen salmaǵy 19,7 kelі bekіre tuqymdas balyqtar men 1,5 kelі qara ýyldyryq tabyldy. Quqyq buzýshylarǵa 11,1 mln teńge aıyppul salyndy», -dep habarlady Oleg Týshkanov.

Onyń deregіne súıensek, zańsyz aınalymnan 7 tonna 534 kelі balyq alynǵan. Tárkіlengen sý marjanynyń arasynda 770,25 kelі bekіre tuqymdas balyqtar, 29,5 kelі qara ýyldyryq bar.

Sondaı-aq, brakonerlerden 257 balyq aýlaý quraly, 62 sý kólіgі men 12 avtomashına tárkіlengen. Jaıyq ózenіnіń arnasy men Kaspıı teńіz akvatorııasynan jalpy uzyndyǵy 60 shaqyrymnan asatyn 663 balyq aýlaý quraldary alynǵan.

«Bekіre – 2023» aktsııasy 31 mamyrǵa deıіn jalǵasady.