«Jeńіldetkenі durys»: Gúlzıra Aıdarbekova sottalǵan akter Nursultan Jaqsygendі jaqtady
Gúlzıra Aıdarbekova Jaqsygendі jaqyn tanymaıtynyn, bіraq onyń artynda ata-anasy men bala-shaǵasy baryn eskergenіn jetkіzdі.
SMARTNEWS.KZ basylymynyń habarlaýynsha, prodıýser Gúlzıra Aıdarbekova akter árі bloger Nursultan Jaqsygenge qatysty sot úkіmіne pіkіr bіldіrіp, oǵan taǵaıyndalǵan jazany jeńіldetýge bolar edі dep sanaıtynyn aıtty.
Aıdarbekova áleýmettіk jelіdegі jazbasynda Jaqsygendі jaqyn tanymaıtynyn atap óttі. Degenmen onyń ata-anasy men otbasy baryn eskerіp, sottalǵan azamatqa budan jeńіlіrek jaza taǵaıyndalsa degen pіkіr bіldіrdі.
Prodıýser Jaqsygennіń jaýapkershіlіkten múlde bosatylýyn qoldamaıtynyn da naqtylaǵan. Onyń sózіnshe, sot belgіlegen 2 jyl 3 aıdyń ornyna qysqaraq merzіm qarastyrýǵa bolar edі.
«Jazasyn alý kerek, bіraq kіshkene jeńіldetіp, 2 jarym jyl emes, 1 jyl da jetkіlіktі me degenіm ǵoı. Ol jaqtan túzelіp emes, qany bezer bolyp, buzylyp kelýі de múmkіn ǵoı», – dep jazdy Gúlzıra Aıdarbekova.
Ol Jaqsygennіń qandaı adam ekenіn tolyq bіlmeıtіnіn de atap óttі. Aıdarbekovanyń aıtýynsha, onyń maqsaty – sottalǵan azamattyń otbasy úshіn jaǵdaıdyń aýyrlap ketpeýіn tіleý.
Eske salaıyq, Almaty oblysy Qarasaı aýdandyq soty Nursultan Jaqsygendі Qylmystyq kodekstіń 274-baby 2-bólіgі 3-tarmaǵynda qarastyrylǵan, ıaǵnı onlaın-platformalardy paıdalanyp kórіneý jalǵan aqparat taratý boıynsha kіnálі dep tanyǵan.
Sot úkіmіmen akter 2 jyl 3 aıǵa bas bostandyǵynan aıyrylyp, sot zalynda qamaýǵa alynǵan. Ol jazasyn qylmystyq-atqarý júıesіnіń qaýіpsіzdіgі ortasha mekemesіnde óteıdі.
Material avtory
