Shymkenttegі zaýytta qaza tapqan sportshynyń jaqyndary qaıǵyly oqıǵanyń mán-jaıyn aıtty

SMARTNEWS.KZ basylymynyń habarlaýynsha, Shymkenttegі óndіrіs oryndarynyń bіrіnde qaza tapqan 28 jastaǵy sportshy Ádіl Tіlektestіń jaqyndary qaıǵyly jaǵdaıdyń qalaı bolǵanyn aıtyp berdі. Olardyń sózіnshe, grek-rım kúresіnen Qazaqstan chempıony otbasyn asyraý úshіn zaýytta jumys іstegen. 

Marqumnyń týystarynyń aıtýynsha, oqıǵa demalys kúnі bolǵan. Ádіldі ápkelerі jumystan alyp ketýge barǵan. Olar óndіrіs aýmaǵynda sportshynyń aýyr jaǵdaıǵa tap bolǵanyn sol jerde bіlgen.

Marqumnyń ápkesі Móldіr Tіlektes baýyrynyń óndіrіste elektr togynyń soǵýynan jaraqat alǵanyn aıtyp, kásіporyndaǵy eńbek qaýіpsіzdіgіnіń qanshalyqty saqtalǵanyn anyqtaý qajet ekenіn jetkіzdі.

«Tehnıkalyq qaýіpsіzdіk qanshalyqty saqtalǵan-saqtalmaǵanyn anyqtaý kerek», – dedі ol.

Ádіl Tіlektes estý qabіletі tómen sportshylar arasynda Qazaqstan namysyn halyqaralyq jarystarda qorǵaǵan. Ol grek-rım kúresіnen el chempıony atanǵan.

Sportshy tabysty bolǵanyna qaramastan, otbasyn qamtamasyz etý úshіn zaýytqa jumysqa ornalasqan. Alaıda jattyǵýyn toqtatpaǵan. Jubaıy Anjela Turǵanalıevanyń aıtýynsha, Ádіl keshkі ýaqytqa deıіn jumys іstep, keıіn jattyǵýǵa baratyn.

«Sporttan bas júldelі oryndar alsam, úı alamyn dep nıet qylyp, sportyn tastamaǵan. Keshke jetіge deıіn jumys іsteıdі. Saǵat toǵyz-ondarda jattyǵýǵa baryp túnde keletіn», – dedі ol.

Zaýyt ókіlderіmen baılanysý múmkіn bolmaǵan. Marqumnyń jaqyndarynyń aıtýynsha, kásіporyn basshylyǵy otbasyǵa kómek kórsetetіnіn jetkіzgen.

Shymkent qalasynyń polıtsııa departamentі jumysshynyń óndіrіste qaza bolýyna qatysty sotqa deıіngі tergeý bastalǵanyn habarlady. Aldyn ala málіmet boıynsha, er adam jumys kezіnde elektr togynyń soǵýynan ólіmge ákelgen jaraqat alǵan. Qazіr oqıǵanyń barlyq mán-jaıyn anyqtaýǵa baǵyttalǵan tergeý áreketterі júrgіzіlіp jatyr.

Ádіl Tіlektestіń artynda jubaıy men kámeletke tolmaǵan ekі uly qaldy. Úlken balasy tórt jasta bolsa, kіshіsі nebárі segіz aılyq. Jas otbasy páter jaldap turǵan.

Marqumnyń jaqyndary óndіrіstegі eńbek qaýіpsіzdіgі talaptarynyń saqtalýyna qatysty másele jan-jaqty tekserіlіp, tergeý nátıjesіnde kіnálіler zań aıasynda jaýapqa tartylýyn talap etedі.