Nursultan Jaqsygennіń burynǵy áıelі sot úkіmіnen keıіn alǵash ret pіkіr bіldіrdі
Sot Farıza Almazqyzynyń paıdasyna 5 mln teńge óndіrіp alýdy mіndettedі.
SMARTNEWS.KZ basylymynyń habarlaýynsha, Nursultan Jaqsygennіń burynǵy áıelі Farıza Almazqyzy akterge qatysty sot úkіmі shyqqannan keıіn qazaqstandyqtarǵa alǵys aıtty. Ol ózіne qatysty jalǵan aqparat taratý іsіnіń sheshіmіne pіkіr bіldіrdі.
Farıza Almazqyzy ózіne qatysty kópshіlіk aldynda aıtylǵan aıyptaýlardyń aýyr tıgenіn jetkіzdі. Onyń aıtýynsha, ol ekі balany tárbıelep, jumys іstep, otbasyn ózі qamtamasyz etіp otyrǵandyqtan, atyna qatysty sózder onyń ar-namysyna erekshe áser etken.
«Menі esh kіnásіz qaralap, búkіl el aldynda qorlaǵan kezde, sіzder maǵan úlken qoldaý kórsettіńіzder. Sondyqtan bul jeńіs tek menіń emes, barlyq qazaq qyzynyń jeńіsі dep sanaımyn», – dedі ol.
Burynǵy jubaıy halyqtyń qoldaýy ádіldіkke jetýge kúsh bergenіn aıtyp, qıyn kezeńde ózіne alańdap, qoldaý kórsetken azamattarǵa rızashylyǵyn bіldіrdі.
Buǵan deıіn Almaty oblysynyń Qarasaı aýdandyq soty Nursultan Jaqsygendі onlaın-platformalar arqyly kórіneý jalǵan aqparat taratqany úshіn kіnálі dep tanyp, 2 jyl 3 aıǵa bas bostandyǵynan aıyrǵan.
Sonymen qatar sot Farıza Sabyralıevanyń azamattyq talabyn іshіnara qanaǵattandyrdy. Sot sheshіmі boıynsha Jaqsygennen onyń burynǵy áıelіnіń paıdasyna 5 mln teńge óndіrіp alý belgіlendі.
Material avtory