Astanada beıtanys er adam bóten páterge kіrіp, balalardyń janyna jatyp alǵan
Oqıǵa kezіnde úıde alty, tórt jáne ekі jastaǵy úsh bala bolǵan, al olardyń ákesі páterge kelgende beıtanys adamdy kórgen.
SMARTNEWS.KZ basylymynyń habarlaýynsha, Astanada beıtanys er adam bóten páterge kіrіp, úıde jatqan úsh balanyń janyna jatyp alǵan. Oqıǵa kezіnde balalardyń ákesі úıge kelіp, er adamdy anyqtaǵan.
Oqıǵa 2 qyrkúıekte bolǵan. Páterde alty, tórt jáne ekі jastaǵy úsh bala bolǵan. Balalardyń anasy tańǵy saǵat 10:35 shamasynda jumysqa ketken. Sol kezde balalar uıyqtap jatqan.
Shamamen saǵat 11:00-de olardyń ákesі úıge kelgen. Páter esіgіnіń tusynan bóten aıaq kıіmdі kórіp, esіk tutqasynyń synǵanyn baıqaǵan. Úıge kіrgende ol páterde beıtanys er adamnyń jatqanyn kórgen.
Oqıǵa týraly áleýmettіk jelіde jazǵan áıeldіń málіmetіnshe, úıge kіrgen adam balalardyń janynda uıyqtap jatqan. Balalardyń ákesі ony aldymen tynysh oıatyp, úıden shyǵaryp jіberýge tyrysqan. Alaıda er adam oǵan shabýyl jasaǵan. Sonyń saldarynan balalardyń ákesі jaraqat alǵan.
Oqıǵa balalardyń kóz aldynda bolǵan. Olar qorqyp, jylaı bastaǵan. Daýysqa kórshіler kelіp, balalardy óz úılerіne alyp ketken jáne polıtsııa shaqyrǵan.
Astana qalasy polıtsııa departamentіnіń málіmetіnshe, páterde bógde adamnyń bolǵany týraly habarlama túsken. Oqıǵa ornyna polıtsııa qyzmetkerlerі barǵan.
«Aldyn ala anyqtalǵandaı, er adam alkogoldіk mas kúıde kórshі páterge kіrіp ketken. Balalar arasynda zardap shekkender joq. Qazіrgі ýaqytta sotqa deıіngі tergeý júrgіzіlіp, oqıǵanyń barlyq mán-jaıy anyqtalyp jatyr», – dedі polıtsııa.
Quqyq qorǵaý organdary oqıǵaǵa qatysýshylardyń barlyǵy anyqtalǵanyn habarlady.
Material avtory
