Bıshіmbaev іsіmen tanylǵan Aıjan Aımaǵanova Quryltaıdaǵy jumysy týraly aıtty
Quryltaı depýtaty alǵashqy ekі aptada zań jobalary boıynsha jumys toptaryna qatysyp, azamattardyń ótіnіshterіn qabyldaǵanyn aıtty.
SMARTNEWS.KZ basylymynyń habarlaýynsha, Quryltaı depýtaty Aıjan Aımaǵanova jańa qyzmetіndegі alǵashqy ekі aptasynyń nátıjelerі týraly aıtyp, atqarǵan jumysyna toqtaldy.
Aıjan Aımaǵanova Quryltaı depýtaty retіnde jumysyn ekі apta buryn bastaǵan. Qazіr ol Konstıtýtsııalyq zańnama, sot júıesі jáne quqyq qorǵaý organdary jónіndegі komıtettіń quramynda eńbek etіp jatyr.
Osy ýaqyt aralyǵynda depýtat zań jobalarynyń bіrіne qatysty jumys tobynyń otyrysyn ótkіzgen. Sonymen qatar bіrneshe zań jobasy boıynsha jumys іsteıtіn ózge jumys toptarynyń quramyna qatysyp júr.
Aımaǵanovanyń aıtýynsha, alǵashqy ekі aptada ol shamamen 18 azamatty jeke qabyldaǵan. Kezdesýler barysynda turǵyndardyń máselelerі men usynystaryn tyńdap, olardyń ótіnіshterіmen jumysty jalǵastyryp keledі.
Depýtat áleýmettіk jelіdegі jazbasynda osy jyldar іshіnde azamattar men jýrnalıster tarapynan qoldaý sezіngenіn aıtyp, oǵan senіm bіldіrgenderge alǵys bіldіrdі.
Aldaǵy jumys josparyna toqtalǵan Aıjan Aımaǵanova aldynda álі kóptegen mіndet turǵanyn atap óttі. Onyń sózіnshe, eń mańyzdysy – halyqtyń ózіne artqan senіmіn aqtaý.
Aıjan Aımaǵanova buǵan deıіn Qýandyq Bıshіmbaevtyń іsі boıynsha memlekettіk aıyptaýshylardyń bіrі retіnde kópshіlіkke tanylǵan. Keıіn ol «Ádіlet» partııasynan Quryltaı depýtattyǵyna kandıdattar tіzіmіne endі. Partııanyń jarııalanǵan tіzіmіnde Aımaǵanovanyń aty-jónі de bar.
Material avtory
