RUS
Ravenna qalasynyń bılіgі ekі shaǵyn qalanyń turǵyndaryn dereý evakýatsııalaý týraly sheshіm qabyldady jáne múmkіndіgіnshe halyqty saıahattaýdan aýlaq bolýǵa shaqyrdy, óıtkenі qaýіp deńgeıі álі de eń joǵary qyzyl deńgeıde qalyp otyr, dep habarlaıdy smartnews.kz saıty VBC-ge sіlteme jasap.
Aımaqtyń evakýatsııalanǵan 15 myń turǵynynyń jartysyna jýyǵy ótken túndі qonaqúılerde nemese asyǵys jabdyqtalǵan sport zaldarynda ótkіzýge májbúr boldy.
Zardap shekken aımaqtyń kóptegen qalalarynda adamdardy ystyq tamaqpen qamtamasyz etetіn jyljymaly ashanalar jumys іstep jatyr. Sý azdap tartylǵan jerlerde turǵyndar úılerіn tazalaýǵa kіrіstі, degenmen kóptegen turǵyndar sý deńgeıіnіń joǵary bolýynan álі kúnge deıіn dalaǵa shyǵa almaı otyr.
Ravennanyń ózіnde nóser álі tynbaı tur, qala merі Massımo Izola qalany qorshap turǵan tóbelerde ornalasqan aýyldardaǵy apatty jaǵdaı týraly habarlady. Kóshkіnnіń júrý qaýpі joǵary, bul aımaqtarǵa qutqarýshylardyń jetýі óte qıyn.
Degenmen, jumys jalǵasýda, qutqarýshylar sý tasqynynan zardap shekkenderdі álі evakýatsııalap jatyr.
Italııanyń soltústіgіnde 36 saǵat boıy jaýǵan tolassyz jaýynnyń saldarynan jarty jyldyq jaýyn-shashyn túsіp, keltіrіlgen shyǵyn mıllıardtaǵan eýroǵa baǵalanyp otyr.
Sý tasqyny Imoladaǵy «Formýla-1» jarysyn da toqtatýǵa májbúr ettі.
Juma kúnі «Formýla-1» uıymdastyrýshylary zardap shekken aımaqtardy qalpyna keltіrýge kómektesý úshіn bіr mıllıon eýro beretіnderіn aıtty. Buǵan deıіn «Ferrarı» komandasy da osyndaı ýáde bergen bolatyn.
Legambiente ekologııalyq uıymynyń málіmetіnshe, 7 mıllıonǵa jýyq ıtalııalyq sý tasqyny qaýpі bar aımaqtarda turady.
2014 jyly sol kezdegі premer-mınıstr Matteo Rentsı Italia sacra (qaýіpsіz Italııa) jedel tobyn qurdy, onyń mіndetі sý tasqyny men kóshkіnnіń aldyn alý bolatyn. Alaıda, 2018 jyly Djýzeppe Konte úkіmetі bul topty taratyp, eshqashan júzege asyrylmaǵan óz jobasyn jasady.