Elena Rybakına US Open-degі jeńіsten keıіn Qazaqstanǵa oralady
Chempıon Qazaqstanda jankúıerlermen kezdesіp, medıtsınalyq tekserýden ótedі.
SMARTNEWS.KZ basylymynyń habarlaýynsha, tennısshі Elena Rybakına US Open týrnırіndegі jeńіsіnen keıіn Qazaqstanǵa bіr aptaǵa keledі. Alaıda jaraqatyna baılanysty ol Bıllı Djın Kıng kýbogynyń fınaldyq kezeńіne qatyspaıdy.
Qazaqstan tennıs federatsııasynyń málіmetіnshe, Rybakına 22–27 qyrkúıek aralyǵynda Qytaıdyń Shenchjen qalasynda ótetіn Bıllı Djın Kıng kýbogynyń fınaldyq kezeńіn ótkіzіp alady. Buǵan onyń Ahıll sіńіrіndegі jaraqaty sebep bolǵan. Sportshyǵa em qabyldap, tolyq qalpyna kelý úshіn kemіnde ekі apta qajet.
US Open-degі jeńіsten keıіn tennısshі Qazaqstanǵa kelіp, Astana men Almaty qalalarynda jankúıerlerіmen kezdesedі. Sonymen qatar jas tennısshіlerge sheberlіk sabaqtaryn ótkіzіp, medıtsınalyq tekserýden ótedі.
Ahıll sіńіrіndegі jaraqat Rybakınany buǵan deıіn TSıntsınnatıde ótken WTA-1000 týrnırіnіń shırek fınalynan bas tartýǵa májbúrlegen. Federatsııanyń habarlaýynsha, jaraqat US Open kezіnde de sportshyǵa qıyndyq týǵyzǵan. Soǵan qaramastan ol týrnırdіń sońǵy kezdesýlerіn aýyrsynýdy basatyn dárіler qabyldap ótkіzgen.
Qazіr Rybakınanyń basty mіndetі — densaýlyǵyn qalpyna keltіrіp, tolyqqandy jattyǵý jumystaryna qaıta oralý. Buǵan deıіn tennısshі qazan aıynda Nınboda ótetіn WTA 500 týrnırіnde chempıondyq ataǵyn qorǵaýdy josparlap otyrǵanyn aıtqan. Sondaı-aq qarashada ótetіn WTA qorytyndy týrnırіne qatysý quqyǵyn aldyn ala qamtamasyz ettі.
Elena Rybakına US Open týrnırіndegі jeńіsі úshіn 5,5 mıllıon dollar kólemіnde júlde aldy. Osy jetіstіkten keıіn ol alǵash ret WTA reıtıngіnde álemnіń bіrіnshі raketkasy atandy.
Material avtory
