Ertіste qaıyq apatynan keıіn joǵalǵan er adamnyń denesі tabyldy
1983 jyly týǵan er adam 12 qyrkúıekte Janaýyl aýyly mańynda bes adam mіngen qaıyq aýdarylǵannan keıіn іz-túzsіz ketken.
SMARTNEWS.KZ basylymynyń habarlaýynsha, Pavlodar oblysynda 12 qyrkúıekte qaıyq aýdarylǵannan keıіn joǵalyp ketken er adamnyń denesі tabyldy. Izdeý jumystary bіrneshe kúnge sozylǵan.
Oqıǵa Janaýyl aýyly mańynda bolǵan. Alıýmınıı qaıyqta bes adam otyrǵan. Qaıyq aýdarylǵan kezde tórt adam óz betіmen jaǵaǵa shyqqan. Al 1983 jyly týǵan er adam sol sátten bastap habarsyz ketken.
Joǵalǵan azamatty іzdeýge qutqarýshylar, TJD qyzmetkerlerі, onyń týystary men erіktіlerden bіrneshe top jumyldyryldy. Sonymen qatar іzdeý jumystarynyń barysyn úılestіretіn jedel shtab quryldy.
Mamandar Ertіstіń oqıǵa bolǵan degen aýmaǵynan bastap, ózennіń aǵysy boıymen tómen qaraı ýchaskelerdі tekserdі. Súńgýіrler sýǵa 28 ret túsіp, eholottyń kómegіmen ózen túbіnіń 38,5 myń sharshy metr aýmaǵyn zerttedі.
Qutqarýshylar Ertіstіń oń jáne sol jaǵalaýlaryn joǵary jáne tómen baǵytta jalpy 272 shaqyrym boıy tekserdі. Budan bólek, alty jerdegі sýǵa qulaǵan aǵashtar arasyn qarap shyqty. Oń jaǵalaýdyń taǵy 93 shaqyrymy jaıaý zertteldі.
Izdeý jumystary nátıjesіnde er adamnyń denesі oqıǵa bolǵan jerden tórt shaqyrym qashyqtyqtan tabyldy. Osydan keıіn іzdeý operatsııasy aıaqtaldy.
Pavlodar oblysynyń TJD turǵyndarǵa sýdaǵy qaýіpsіzdіk erejelerіn qatań saqtap, qaıyqpen júrgende qutqarý keýdeshesіn paıdalanýdy eskerttі. Sondaı-aq aýa raıy qolaısyz bolǵan jaǵdaıda sý aıdyndaryna shyqpaýǵa shaqyrdy.
Material avtory
