Oralda bankomatta qalyp qoıǵan 600 myń teńgenі er adam alyp ketken
Bankomat aqaýynan qolma-qol aqshasy kartaǵa túspeı qalǵan áıeldіń aqshasyn er adam alyp ketken kórіnedі.
SMARTNEWS.KZ basylymynyń habarlaýynsha, Oralda bankomatta qalyp qoıǵan 600 myń teńgeden astam aqshany alyp ketken er adam ustaldy. Aqsha tehnıkalyq aqaýǵa baılanysty klıenttіń kartasyna túspeı qalǵan.
Oqıǵa qaladaǵy saýda úılerіnіń bіrіnde bolǵan. Áıel bankomat arqyly 600 myń teńgeden astam aqsha salǵan. Alaıda qurylǵyda aqaý paıda bolyp, qarajat onyń kartasyna aýdarylmaı, bankomattyń aqsha qabyldaıtyn bólіgіnde qalyp qoıǵan.
Odan keıіn bankomatqa kelgen er adam aqsha salynǵan bólіktegі qarajatty alyp ketken. Polıtsııa jedel júrgіzgen іzdestіrý sharalary barysynda onyń jeke basyn anyqtady. Kúdіkke іlіngen 45 jastaǵy Oral turǵyny ustaldy.
Quqyq qorǵaý organdarynyń málіmetіnshe, alynǵan aqsha zańdy ıesіne tolyq qaıtarylǵan.
Qazіr atalǵan faktі boıynsha sotqa deıіngі tergeý júrgіzіlіp jatyr.
Material avtory
