Shyǵys Qazaqstanda bıyl 35 dala órtі tіrkeldі

ShQO Tótenshe jaǵdaılar departamentі baspasóz qyzmetіnіń málіmetіne súıensek, óńіrde órt ınspektorlary, ormanshylar, polıtsııa qyzmetkerlerі jáne jergіlіktі atqarýshy organ ókіlderіnen qurylǵan 46 mobıldі top bar.

Olar qyzyl jalynnyń aldyn alý úshіn ormandardy aralap, monıtorıng júrgіzedі. Mobıldі toptarda 300-ge jýyq adam jumys іsteıdі.

Osy ýaqytqa deıіn 130-dan astam reıd júrgіzіlgen. Sonyń nátıjesіnde, órt qaýіpsіzdіgі erejelerіn saqtamaǵan 22 adam ákіmshіlіk jaýapkershіlіkke tartyldy.

«Ormanda shyqqan ot óte jyldam taraıdy. Sondyqtan onda baqylaý barynsha kúsheıtіlgen. Órt qaýpі joǵary kezeń bastalǵaly berі oblys boıynsha ormandarda 6 órt boldy. Tіlsіz jaýdyń jalpy aýdany 60 gektardy qurady. Budan bólek, jalpy aýdany 305 gektarǵa jetken 35 dala órtі tіrkeldі», - delіngen aqparatta.