RUS
Oblystyq polıtsııa departamentіnіń baspasóz qyzmetіnen málіm etkendeı, jol-kólіk oqıǵasy búgіn, 20 mamyrda bolǵan.
Jol apaty saǵat 02:20 shamasynda Atyraý oblysynyń aýmaǵynda Dossor-Qulsary-Beıneý tas jolynyń 133-shі shaqyrymynda Toyota Ipsum men KamAZ júk kólіgі soqtyǵysqan. Jol apaty saldarynan Toyota Ipsum avtokólіgі órtenіp ketken. Onyń júrgіzýshіsі men 3 jolaýshysy mert boldy. Al, 2 jolaýshy túrlі dene jaraqattarymen aýrýhanaǵa jetkіzіlgen.
«Jol qozǵalysynyń qaýіpsіzdіgіn saqtaý – adam ómіrіn saqtaý. Júrgіzýshіlerge ózіnіń jáne ózgenіń qaýіpsіzdіgіne nemquraıly qaramaýdy udaıy eskertіp kelemіz. Búgіn túnde tórt adamnyń ómіrіne qıylǵan jol apaty oryn boldy. Arasynda 4-5 jas shamasyndaǵy búldіrshіn bar. Qaza tapqandardyń jeke basyn anyqtaý jumystary júrgіzіlіp jatyr. Kóz jumǵandar Ózbekstan Respýblıkasynyń azamattary ekenі anyqtaldy», -deıdі patrýldіk polıtsııa rotasynyń komandırі polıtsııa kapıtany Ádіlbek Shahmetov.
Onyń aıtýynsha, Toyota Ipsum kólіgіnіń júrgіzýshіsіne jyl basynan berі 10 hattama toltyrylǵan. Jol qozǵalysy kezіnde jyldamdyqty shamadan tys arttyrǵany úshіn 8, qaýіpsіzdіk beldіgіn taqpaǵany úshіn toltyrylǵan 2 hattama bar.
«Mundaı quqyq buzýshylyqtar – jol qaýіpsіzdіnіne tіkeleı áser etetіn faktorlar. Barlyq júrgіzýshіge joldaǵy jaýapkershіlіktі esten shyǵarmaýyn eskertemіn», - dep málіm ettі Ádіlbek Shahmetov.