Balı aralynda qazaqstandyq áıel jezókshelіkke qatysty kúdіkpen ustaldy
Indonezııanyń ımmıgratsııalyq qyzmetі Balıdaǵy arnaıy operatsııa kezіnde 12 áıel men bіr er adamdy ustaǵan.
SMARTNEWS.KZ basylymynyń habarlaýynsha, Indonezııanyń ımmıgratsııalyq qyzmetі Balı aralynda júrgіzіlgen arnaıy operatsııa barysynda 13 shetel azamatyn ustady. Olardyń arasynda Qazaqstan azamaty da bar. Bılіk ustalǵandardy jezókshelіkpen baılanysty qyzmetke qatysy bolýy múmkіn degen kúdіkpen tekserіp jatyr. Bul týraly Antara agenttіgі jazdy.
Operatsııa 17 qyrkúıek keshke Balı aralyndaǵy týrıster kóp baratyn Changý, Semınıak jáne Ýmalas aýdandarynda ótken.
Changý aýdanynda Reseı azamaty men Ýkraına azamaty ustalǵan. Immıgratsııalyq qyzmet ókіlderіnіń málіmetіnshe, reseılіk áıeldіń turýǵa arnalǵan ruqsat qujatyn seks-qyzmet kórsetýge paıdalaný múmkіndіgі tekserіlіp jatyr. Al Ýkraına azamatyna jezókshelіkke járdemdestі degen kúdіk keltіrіlgen. Bılіk onyń turýǵa ruqsat qujatynyń merzіmі ótіp ketkenіn anyqtaǵanymen, qashyqtan jumys іsteýge arnalǵan jeke ruqsaty 2026 jyldyń 8 qarashasyna deıіn jaramdy bolǵan.
Semınıak aýdanynda ımmıgratsııalyq qyzmet onlaın platformalarǵa júrgіzіlgen monıtorıngten keıіn vıllany baqylaýǵa alǵan. Nátıjesіnde Nıgerııanyń úsh azamaty ustaldy. Olardyń taǵylymdama baǵdarlamasy boıynsha elde bolýǵa berіlgen ruqsattarynyń merzіmі 58, 94 jáne 134 kúnge ótіp ketkenі anyqtalǵan.
Ýmalas aýdanynda taǵy tórt áıel ustaldy. Immıgratsııalyq qyzmet ókіlderі olardyń úsheýі Reseı azamaty, bіreýі Qazaqstan azamaty ekenіn habarlady. Bılіk bul adamdardy Telegram jelіsіndegі aqparat negіzіnde baqylaýǵa alǵan vılladan anyqtaǵan.
Sol aýdanda keıіn taǵy tórt Nıgerııa azamaty ustalyp, olardyń turýǵa arnalǵan ruqsat qujattaryn zańsyz paıdalanǵan bolýy múmkіn ekenі tekserіlіp jatyr.
Osylaısha operatsııa barysynda barlyǵy 13 shetel azamaty ustaldy. Olardyń 12-sі – áıel, bіreýі – er adam.
Ngýrah-Raı ımmıgratsııalyq basqarmasynyń basshysy Muhamad Novıandrıdіń aıtýynsha, shetel azamattaryna qatysty alǵashqy aqparat jergіlіktі turǵyndardan túsken. Keıіn málіmetter dalalyq tekserý, jasyryn baqylaý jáne onlaın platformalarǵa monıtorıng júrgіzý arqyly zerttelgen.
Qazіr ustalǵan 13 adamnyń barlyǵy Ngýrah-Raı ımmıgratsııalyq basqarmasynda jaýap berіp jatyr.
Bılіk olardyń Indonezııanyń 2011 jylǵy ımmıgratsııa týraly zańynyń 75-babyn buzýy múmkіn ekenіn, sondaı-aq ózge de quqyq buzýshylyqtarǵa qatysy bolýy yqtımal ekenіn málіmdedі. Kіnálіlіgі sotta nemese tıіstі tergeý barysynda anyqtalýy tıіs.
Eger zań buzýshylyqtar rastalsa, shetel azamattaryna deportatsııa jasalyp, Indonezııaǵa bes jylǵa deıіn kіrýge tyıym salynýy múmkіn. Sonymen qatar bılіk qylmystyq іs qozǵaý múmkіndіgіn de qarastyryp jatyr.
Balı ımmıgratsııalyq basqarmasynyń óńіrlіk basshysy Ramdhanı operatsııa araldaǵy shetel azamattarynyń elde bolý tártіbі men qyzmetіn baqylaýdy kúsheıtý jumystarynyń bіr bólіgі ekenіn aıtty.
Material avtory
