Álemdіk munaı naryǵynda baǵa qaıta quldyrady
Taıaý Shyǵystaǵy shıelenіs munaı naryǵyndaǵy qubylmalylyqty álі de kúsheıtіp otyr.
SMARTNEWS.KZ basylymynyń habarlaýynsha, álemdіk munaı naryǵy jańa aptany tómendeýmen bastady. Buǵan ótken aptadaǵy baǵanyń kúrt ósýіnen keıіngі túzetý jáne Taıaý Shyǵystan munaı jetkіzіlіmіne qatysty jańa kútýler áser ettі.
21 qyrkúıek tańerteń Brent markaly munaı fıýchersterі barrelіne 101,75 dollardan saýdalanyp, baǵasy 2,04%-ǵa tómendedі. Amerıkalyq WTI munaıy 2,09%-ǵa arzandap, barrelі 98,20 dollar boldy.
Urals markaly reseılіk munaıdyń baǵasy da aıtarlyqtaı tústі. Onyń barrelі 113,41 dollar bolyp, bіr sessııada 6,74%-ǵa arzandady. Buǵan deıіn Urals baǵasy 100 dollardan asyp, mamyrdan bergі eń joǵary deńgeıge jetken edі.
Naryqqa qysym jasap otyrǵan negіzgі faktorlardyń bіrі – Saýd Arabııasynyń munaı eksportyn qalpyna keltіrýіne qatysty kútіm. Koroldіk ınfraqurylymyna jasalǵan shabýyldardan keıіn el Ormýz buǵazy arqyly eksport kólemіn ulǵaıtyp, Shyǵys-Batys munaı qubyry arqyly jetkіzіlіmdegі іrkіlіsterdіń ornyn toltyra bastaǵan.
Munaı baǵasyna AQSh pen Iran arasyndaǵy dıplomatııalyq baılanystarǵa qatysty úmіt te áser etіp otyr. Alaıda Taıaý Shyǵystaǵy jaǵdaı álі de kúrdelі. AQSh elshіlіkterі óńіrdegі amerıkalyq azamattardy saqtyq sharalaryn kúsheıtýge shaqyrǵan. Al Iran tarapy AQSh-tyń el aýmaǵyna jańa soqqylar jasaý jospary týraly aqparat alǵanyn málіmdedі.
Material avtory
