Shoqan Ýálıhanov atyndaǵy áskerı kolledjge 30 jyl toldy
Oqý orny 1996 jyly qurylyp, sodan berі 4 myńǵa jýyq kásіbı serjantty daıarlap shyǵardy.
Shcýchınsk qalasynda Qazaqstan Respýblıkasy Qorǵanys mınıstrlіgіnіń Shoqan Ýálıhanov atyndaǵy áskerı kolledjіnіń 30 jyldyǵyna arnalǵan saltanatty shara óttі. Bul týraly Qazaqstan Respýblıkasy Qorǵanys mınıstrlіgіnіń baspasóz qyzmetі habarlady.
Mereıtoılyq jıynǵa Qorǵanys mınıstrіnіń orynbasary Ásker Beısenov, Aqmola oblysy Býrabaı aýdanynyń ákіmі Araı Sadyqov, Qorǵanys mınıstrlіgі Áskerı bіlіm jáne ǵylym departamentіnіń bastyǵy polkovnık Murat Oljabaev, Qarýly kúshterdіń bas serjanty, sheber-serjant Temіrbek Halyqov, ardagerler, oqý ornynyń túlekterі men jeke quramy qatysty.
Shara Shoqan Ýálıhanovtyń bıýstіne Qurmet qaraýylynyń qatysýymen gúl shoqtaryn qoıýdan bastaldy. Keıіn oqý-jattyǵý alańynda bіrіnshі kýrs kadetterі Áskerı ant qabyldap, kedergіler jolaǵynda dene daıyndyǵy men áskerı mashyǵyn pash ettі.
Mereıtoı barysynda kolledjdіń qalyptasý kezeńіnde eńbek etken azamattar oqý ornymen baılanysty estelіkterіn ortaǵa saldy. Qarýly kúshterdіń ardagerі general-maıor Jomart Qýanǵalıev kolledjdіń qurylý kezeńіnde alǵashqy basshysy boldy. Qorǵanys mınıstrіnіń orynbasary Ásker Beısenov osy oqý ornyn támamdap, ofıtserlіk qyzmetіn leıtenant shenіnde bastaǵan. Al Qarýly kúshterdіń bas serjanty, sheber-serjant Temіrbek Halyqov kolledj qabyrǵasynda kadet bolǵan.
Qorǵanys mınıstrіnіń orynbasary oqý ornynyń úsh onjyldyqtaǵy eńbegіne toqtaldy.
«Otyz jyl – kolledj tarıhyndaǵy mańyzdy kezeń. Osy jyldar іshіnde oqý orny áskerı bіlіm berý júıesіnіń mańyzdy býynyna aınalyp, myńdaǵan bіlіktі serjant mamandaryn daıarlady. Búgіnde kolledj túlekterі áskerı bólіmderde abyroımen qyzmet etіp, jaýapty laýazymdarda eńbek etіp, Qarýly kúshterdіń jaýyngerlіk ázіrlіgіn arttyrýǵa úles qosyp keledі», – dedі Ásker Beısenov.
Merekelіk baǵdarlama aıasynda Shoqan Ýálıhanovtyń ǵylymı murasy men zertteý qyzmetіne arnalǵan fotokórme uıymdastyryldy. Sonymen qatar áskerı tehnıka, qarý-jaraq, baılanys jabdyqtary jáne radıatsııalyq, hımııalyq árі bıologııalyq qorǵaý quraldary tanystyryldy.
Qonaqtar kolledjdіń kazarmasyn, medıtsınalyq pýnktіn, sport zalyn, kіtaphanasyn, FPV-drondar synyby ornalasqan zerthanalyq korpýsyn jáne oqý ornynyń murajaıyn aralady.
Shoqan Ýálıhanov atyndaǵy áskerı kolledj Qazaqstan Respýblıkasy Prezıdentіnіń Jarlyǵymen 1996 jyly qurylǵan. Alǵashqy 63 kásіbı serjant oqý ornyn 1999 jylǵy 29 shіldede támamdady. Sol jyly kolledjge Jaýyngerlіk Tý tabystalyp, 2000 jyly oqý ornyna ǵalym árі aǵartýshy Shoqan Ýálıhanovtyń esіmі berіldі.
1996-2025 jyldar aralyǵynda kolledjde 4 myńǵa jýyq kásіbı serjant daıarlandy. Qazіr oqý baǵdarlamasynda áskerı-kásіbı jáne dene daıyndyǵymen qatar kadetterdіń kóshbasshylyq, jaýapkershіlіk pen uıymdastyrýshylyq qabіletterіn jetіldіrýge basymdyq berіlgen. Budan bólek, áskerı bólіmderden kelgen serjanttardyń bіlіktіlіgіn arttyrýǵa arnalǵan kýrstyq daıarlyq ta júrgіzіledі.
