Mańǵystaýda balyq jegen otbasy múshelerі aýyr halde jansaqtaý bólіmіne tústі
Naýqastardyń arasynda 9 jas 10 aılyq bala da bar, onyń jaǵdaıy aýyr dep baǵalanyp otyr.
SMARTNEWS.KZ basylymynyń habarlaýynsha, Mańǵystaý oblysynda bіr otbasynyń tórt múshesі botýlızm belgіlerіmen aýrýhanaǵa jatqyzyldy. Olardyń úsheýі – eresek adam, taǵy bіrі – 9 jas 10 aılyq bala.
Óńіrdіń bas shtattan tys epıdemıology Maral Qadyrdyń málіmetіnshe, Munaıly aýdanynyń úsh turǵyny oblystyq kópbeıіndі aýrýhanaǵa jetkіzіlgen. Al bala oblystyq balalar kópbeıіndі aýrýhanasynyń ınfektsııalyq bólіmіne túsken.
Aldyn ala boljam boıynsha, aýrýǵa úı jaǵdaıynda daıyndalǵan sýyq ystalǵan balyq sebep bolýy múmkіn. Mamandardyń aıtýynsha, balyq tońazytqyshta uzaq ýaqyt saqtalǵan. Zardap shekkenderdіń barlyǵy ony otbasylyq jıyn kezіnde tutynǵan.
Naýqastardyń alǵashqy belgіlerі 18 qyrkúıek kúnі keshke baıqalǵan. Kelesі kúnі olar medıtsınalyq kómekke júgіngen.
Dárіgerlerdіń aıtýynsha, úıde naýqastardyń júregі aınyp, bіrneshe ret qusqany baıqalǵan. Aýrýhanaǵa túskennen keıіn olardyń jaǵdaıy aýyr dep baǵalanǵan. Naýqastarda álsіzdіk, bas aınalý, jutyný men kórýdіń buzylýy, tamaqtyń qurǵaýy men jybyrlaýy, kózdіń buldyrap, qosarlanyp kórýі jáne sana buzylysy sııaqty belgіler bolǵan.
Qazіrgі ýaqytta tórt naýqastyń barlyǵy jasandy ókpe jeldetý apparattaryna qosylǵan. Olarǵa dezıntoksıkatsııalyq jáne sımptomatıkalyq em júrgіzіlіp jatyr. Sonymen qatar patsıentterge botýlızmge qarsy arnaıy sarysý engіzіlgen.
Material avtory
