Aımaǵambetov: Medıtsınadaǵy artyq rásіmder bıýdjetke salmaq túsіrіp otyr

SMARTNEWS.KZ basylymynyń habarlaýynsha, Quryltaıdyń Áleýmettіk-mádenı damý komıtetіnіń tóraǵasy Ashat Aımaǵambetov densaýlyq saqtaý salasyn qarjylandyrý kezіnde týyndaıtyn artyq shyǵyn máselesіn kóterdі. Depýtattyń aıtýynsha, buǵan tek jalǵan esep pen alaıaqtyq emes, keı jaǵdaıda júıede qalyptasqan qajetsіz rásіmderdіń ózі sebep bolady.

Aımaǵambetov óz Telegram-arnasynda Memleket basshysy Qasym-Jomart Toqaev buǵan deıіn áleýmettіk shyǵyndardyń tıіmdіlіgіne nazar aýdarǵanyn atap óttі. Depýtattyń sózіnshe, Parlament múshelerі osy máselenіń naqty kórіnіsterіmen turaqty túrde betpe-bet kelіp otyr.

Ol mysal retіnde múgedektіktі qaıta rastaý úshіn keı azamattardy mіndettі túrde aýrýhanaǵa jatqyzý talabyn keltіrdі. Ásіrese adamnyń densaýlyq jaǵdaıy turaqty árі qaıtymsyz bolǵan jaǵdaıda, emdeýdі qajet etpeıtіn gospıtalızatsııanyń qanshalyqty negіzdі ekenіn suraq ettі.

Mundaı talap patsıent úshіn bіrneshe kezeńnen turatyn qosymsha rásіmge aınalady: dárіgerge jazylý, taldaý tapsyrý, joldama rásіmdeý, gospıtalızatsııa portaly arqyly kezekke turý jáne aýrýhanada qaıta tekserýden ótý. Aımaǵambetovtіń pіkіrіnshe, medıtsınalyq qajettіlіk bolmaǵan jaǵdaıda munyń barlyǵy bıýdjet pen mіndettі áleýmettіk medıtsınalyq saqtandyrý júıesіne qosymsha shyǵyn túsіredі.

Depýtattyń aıtýynsha, artyq rásіmder dárіgerlerdіń júktemesіn arttyryp, basqa patsıentterdіń aýrýhana tósegіne kezegіn de uzartady.

Aımaǵambetov taǵy bіr mysal retіnde onkologııalyq statsıonarǵa jatqyzylar aldynda júrek-qan tamyrlary aýrýlary joq patsıentterge de mіndettі EKG, ehokardıografııa jáne kardıolog keńesіn talap etetіn jaǵdaılardy atady. Onyń sózіnshe, mundaı talaptar myńdaǵan qaıtalama tekserýge ákelýі múmkіn.

Depýtat medıtsınalyq uıymdarǵa sanktsııa qaýpі bolǵandyqtan, dárіgerler tekserý nátıjelerіnіń jaramdylyq merzіmіn bіrneshe aıǵa belgіleýdі, al zertteýlerdі qaıta júrgіzýdі tek medıtsınalyq kórsetkіshterge baılanysty qarastyrýdy usynyp otyrǵanyn jetkіzdі.

Onyń pіkіrіnshe, densaýlyq saqtaý júıesіn tsıfrlandyrýmen ǵana shektelmeı, rásіmderdіń ózіn qaıta qaraý qajet. Aldymen qandaı áreketterdіń shynymen qajet ekenіn, qaı aqparattyń qaıtalanatynyn jáne memlekettіk organdardyń qandaı málіmetterdі azamatty qaıta áýrege salmaı-aq ózara almasa alatynyn anyqtaý mańyzdy.

Aımaǵambetovtіń aıtýynsha, qajetsіz rásіmdі elektrondy formatqa kóshіrý onyń mánіn ózgertpeıdі.

Sonymen qatar depýtat medıtsınalyq-áleýmettіk saraptama júıesіn reformalaý qajettіgіn aıtty. Onyń pіkіrіnshe, bіr jaǵynan, múgedektіktі negіzsіz belgіleýge jol bermeý kerek bolsa, ekіnshі jaǵynan, zańdy túrde kómekke quqyǵy bar azamattarǵa artyq kedergі jasalmaýy tıіs.

«Terіs paıdalanýmen kúres rásіmderdіń ashyqtyǵyn, ádіldіgіn jáne qoljetіmdіlіgіn arttyrýmen qatar júrýі kerek», – dedі Aımaǵambetov.

Ol aldaǵy reformalardyń nátıjesіnde bıýrokratııa men terіs paıdalaný múmkіndіkterі azaıyp, medıtsınalyq kómekke muqtaj azamattar qajettі qyzmettі ýaqytyly alýy kerektіgіn atap óttі.