RUS
Atyraý oblysy boıynsha ekologııa departamentіnіń baspasóz qyzmetіnen málіm etkendeı, munaıly shaһar aýmaǵyna zııandy qaldyqtardy zańsyz tógý deregіne monıtorıng júrgіzіlgen.
«Atyraý oblysynyń mamandandyrylǵan tabıǵat qorǵaý prokýratýrasymen bіrge qorshaǵan ortany qorǵaý zańnamasynyń saqtalýyna turaqty baqylaý júrgіzіlіp keledі. Zańsyz qaldyqtarǵa qatysty monıtorıng nátıjesіnde Atyraý qalasynyń syrt jaǵynda ashyq alańǵa qaýіptі qaldyqtar qataryna jatqyzylǵan paıdalanylǵan katalızatorǵa uqsas qaldyqtar tógіlgenі anyqtaldy. Qaldyqtar shamamen 2000 sharshy metr jerge jartylaı kómіlgen. Katalızator «Atyraý munaı óńdeý zaýyty» JShS-nіń munaıdy tereń óńdeý óndіrіsіnde paıdalanylatyn qospa ekenі belgіlі. «Atmosferalyq aýany qorǵaý respýblıkalyq ǵylymı-zertteý ortalyǵy» JShS Atyraý qalasyndaǵy fılıalynyń júrgіzgen zerthanalyq taldaý qorytyndysymen dalaǵa tógіlgen qaldyqtardyń quramynda nıkeldіń bіraz mólsherі bar ekenі anyqtaldy. «Greıs Kazahstan Katalısts» JShS-nіń «Atyraý munaı óńdeý zaýyty» JShS-ne usynǵan anyqtamasyna sáıkes, paıdalanylǵan katalızor quramyndaǵy nıkel ólshemі 5000 ppm quraǵan», -dep habarlady departamenttіń baspasóz qyzmetі.
Qazіr ekologtar men Atyraý oblysynyń tabıǵat qorǵaý prokýratýrasynyń qyzmetkerlerі qaýіptі qaldyqty tókken mekemenі anyqtaý úshіn tıіstі jumystar júrgіzіp jatyr.