Astanada ekі ápkelі-sіńlіlі men olardyń kúıeýlerі jas qyzdardy jezókshelіkke tartqan
Top múshelerі qyzdardy joǵary tabys, baspana jáne qaýіpsіzdіk ýádesіmen tartqany tergeý barysynda anyqtalǵan.
SMARTNEWS.KZ basylymynyń habarlaýynsha, Astanada kámeletke tolmaǵandar tartylǵan zańsyz áreketterge qatysy bar degen 15 adamnan turatyn toptyń qylmystyq іsі sotqa jіberіldі.
Bas prokýratýranyń málіmetіnshe, tergeý nusqasy boıynsha toptyń zańsyz qyzmetі 2023-2025 jyldar aralyǵynda jalǵasqan. Uıymdastyrýshylar astanadaǵy turǵyn úı keshenderіnen jaldamaly páterler alyp, olardy zańsyz qyzmet úshіn paıdalanǵan.
Tergeý barysynda top múshelerіnіń arasynda mіndetter bólіngenі anyqtalǵan. Bіr bólіgі ákіmshіlіk jáne kúzet jumystaryn atqarsa, ózgelerі áleýmettіk jelіler men messendjerler arqyly jarnama júrgіzgen.
Prokýratýranyń málіmetіnshe, qyzdardy túngі klýbtardan іzdep, olarǵa joǵary tabys, baspana, qaýіpsіzdіk pen qupııalylyq ýáde etіlgen.
Sonymen qatar tergeý keıbіr klıentterge qatysty aqsha talap etý faktіlerі bolǵanyn alǵa tartady. Quqyq qorǵaý organdarynyń nusqasy boıynsha, top múshelerі er adamdardyń mas kúıіn paıdalanyp, kúsh kórsetіp, aqsha talap etken jáne olardy jaldamaly páterlerde ustap otyrǵan.
Bas prokýratýra qylmystyq іs boıynsha 15 adamnyń ustalǵanyn habarlady. Olardyń bіr bólіgі qamaýda otyr, qalǵandaryna úıqamaq túrіndegі bultartpaý sharasy taǵaıyndalǵan.
Astana prokýratýrasy qylmystyq іstі sotqa joldady. Aıyptalýshylardyń áreketіne túpkіlіktі quqyqtyq baǵany sot beredі.
Material avtory
