Qulsaryda arnaıy tehnıka avtobýs salonyn tesіp ótіp, úsh jolaýshy zardap shektі
Jol apaty Mahambet dańǵylynda bolyp, úsh jolaýshy medıtsınalyq kómekke júgіnýge májbúr boldy.
SMARTNEWS.KZ basylymynyń habarlaýynsha, Atyraý oblysynyń Qulsary qalasynda arnaıy tehnıka men jolaýshylar tasymaldaıtyn Yutong avtobýsy soqtyǵysyp, úsh adam jaraqat aldy. Zardap shekken jolaýshylardyń barlyǵy aýrýhanaǵa jetkіzіlgen.
Jol apaty 20 qyrkúıek kúnі saǵat 18:50 shamasynda Jylyoı aýdanyndaǵy Mahambet dańǵylynda bolǵan.
Oqıǵa ornynan túsіrіlgen vıdeo áleýmettіk jelіlerde tarady. Kadrlardan arnaıy tehnıkanyń uzyn qurylymy jol boıymen qozǵalyp bara jatqan avtobýsqa soǵylyp, onyń terezelerі arqyly salonnyń іshіne kіrіp ketkenіn kórýge bolady.
Atyraý oblysynyń polıtsııa departamentі jol apatyna Yutong avtobýsy men arnaıy tehnıkanyń qatysqanyn rastady.
«Mahambet dańǵylynda Yutong avtobýsy men arnaıy tehnıka qatysqan jol-kólіk oqıǵasy boldy. Apat saldarynan avtobýstyń úsh jolaýshysy aýrýhanaǵa jetkіzіldі», – dep habarlady vedomstvo.
Qazіr polıtsııa oqıǵanyń mán-jaıyn anyqtap, qajettі materıaldardy jınap jatyr.
Polıtsııa departamentі júrgіzýshіlerdі jol qozǵalysy erejelerіn qatań saqtaýǵa shaqyrdy.
Material avtory
