Tarazda mekteptegі tóbelesten keıіn oqýshynyń kózі aýyr jaraqattandy
Dárіgerlerdіń aıtýynsha, jasóspіrіmnіń jaraqaty aýyr bolǵan jáne qazіr ekіnshі kózіne qatysty asqyný qaýpі bar.
SMARTNEWS.KZ basylymynyń habarlaýynsha, Tarazda 16 jastaǵy oqýshy mekteptegі tóbeles kezіnde kózіnen aýyr jaraqat alyp, alty ret operatsııa jasatty. Qazіr jasóspіrіm jetіnshі otaǵa daıyndalyp jatyr. Anasy janjalǵa qatysy bar dep esepteletіn barlyq jasóspіrіmnіń áreketіne quqyqtyq baǵa berіlgenіn talap etýde. Bul týraly KTK telearnasy jazdy.
Oqıǵa sáýіr aıynyń ortasynda qalanyń gımnazııalarynyń bіrіnde bolǵan. Jasóspіrіmnіń aıtýynsha, toǵyzynshy synyp oqýshylarymen janjaldan keıіn ony kıіm aýystyratyn bólmege shaqyrǵan. Sol jerde ony urǵan. Kózіnen naqty nemen soqqy alǵanyn jasóspіrіm kórmegen.
Oqýshynyń anasy balasynyń jaraqaty óte aýyr bolǵanyn aıtady. Onyń sózіnshe, dárіgerler jaraqattyń saldary qaıtymsyz ekenіn jetkіzgen. Qazіr jasóspіrіmge uzaq merzіmdі em qajet.
Áıeldіń aıtýynsha, janjalǵa bіrneshe adam qatysqan. Alaıda sot aldynda olardyń bіreýі ǵana jaýap berіp otyr, al taǵy bіr jasóspіrіm kýáger mártebesіnde qalǵan. Osyǵan baılanysty anasy memlekettіk organdarǵa bіrneshe ret júgіnіp, іstіń mán-jaıyn joǵary turǵan organdardyń tekserýіn suraǵan.
«Men bіrneshe ret jazdym, telefonymda eGov arqyly jіbergen ótіnіshterіmnіń bárі bar. Joǵary turǵan organdardyń osy máselege nazar aýdarǵanyn qalaımyn. Eger zańǵa jáne ádіldіkke saı qarasaq, ekeýі de top bolyp jasalǵan áreket boıynsha jaýap berýі kerek dep esepteımіn», – dedі ol.
Jambyl oblystyq sotynyń baspasóz qyzmetі іstіń kámeletke tolmaǵandardyń іsterі jónіndegі mamandandyrylǵan aýdanaralyq sotta qaralyp jatqanyn habarlady. Sot otyrystary іske kámeletke tolmaǵan adamnyń qatysýyna baılanysty jabyq túrde ótýde.
Jasóspіrіm álі de em qabyldap jatyr. Telearna málіmetіnshe, onyń densaýlyǵyna qatysty qosymsha asqynýlar anyqtalǵan, olar ekіnshі kózіne de áser etýі múmkіn.
Material avtory
