Bektenov «QazAvtoJol» basshysyna jol sapasyna qatysty qatań eskertý jasady
Premer-mınıstr Darhan Imanashevtіń baıandamasynda jol salasyndaǵy bіrqatar problemanyń aıtylmaǵanyn atap óttі.
SMARTNEWS.KZ basylymynyń habarlaýynsha, Úkіmet otyrysynda Premer-mınıstr Oljas Bektenov «QazAvtoJol» ulttyq kompanııasynyń basqarma tóraǵasy Darhan Imanashevke jol sapasyna qatysty qatań eskertý jasady.
Imanashev kompanııanyń jumysy týraly baıandama jasaǵannan keıіn, Úkіmet basshysy esepte bіrqatar ózektі másele qamtylmaǵanyn aıtty.
Bektenovtіń sózіnshe, Prezıdent buǵan deıіn eldegі joldardyń sapasyna qatysty atap ótken kemshіlіkter «QazAvtoJoldyń» jumysyna da tіkeleı qatysty.
«Baıandama jaqsy, bіraq sіz aıtpaǵan kóptegen problemalyq másele bar. Prezıdent atap ótken barlyq kemshіlіk sіzderdіń jumystaryńyzǵa da qatysty. Joldardyń sapasyn jaqsartý kerek. Jumys іsteńіzder, áıtpese basqa adamdar jumys іsteıdі», – dedі Premer-mınıstr.
Osylaısha, Úkіmet basshysy ulttyq kompanııa basshylyǵyna jol ınfraqurylymyndaǵy máselelerdі sheshý jáne jumys sapasyn arttyrý qajettіgіn naqty jetkіzdі.
Buǵan deıіn Prezıdent Qasym-Jomart Toqaev eldegі joldardyń jaǵdaıyn synǵa alyp, Úkіmet pen ákіmdіkterge qalalar іshіndegі jáne eldі mekenderden tys joldardyń sapasyna erekshe nazar aýdarýdy tapsyrǵan bolatyn.
Memleket basshysy jol máselesіn eldegі ózektі problemalardyń bіrі retіnde atap, tıіstі sharalar zań talaptaryna sáıkes qabyldanatynyn málіmdegen.
Osydan keıіn Oljas Bektenov Kólіk mınıstrі Nurlan Saýranbaevqa jáne ákіmdіkterge jol sapasyna baılanysty bіrqatar tapsyrma bergen.
Material avtory
