Bektenov Toyota Alphard kólіkterіne jolaýshy tasýǵa jol bermeýdі tapsyrdy
Premer-mınıstr bastapqyda oń rýlmen shyǵarylǵan Toyota Alphard kólіkterіnіń jolaýshy tasymalyna paıdalanylýyna qatysty naqty shara qabyldaýdy talap ettі.
SMARTNEWS.KZ basylymynyń habarlaýynsha, Qazaqstanda Toyota Alphard kólіkterіn jolaýshy tasymalyna paıdalaný máselesі Úkіmet otyrysynda kóterіldі. Premer-mınıstr Oljas Bektenov bastapqyda oń rýlmen shyǵarylǵan bul kólіkterdіń zań talaptaryna qaıshy qoldanylýyna jol bermeýdі tapsyrdy.
Kólіk mınıstrі Nurlan Saýranbaevtyń aıtýynsha, jolaýshylar qaýіpsіzdіgіn qamtamasyz etý baǵytyndaǵy alǵashqy sharalardyń bіrі retіnde shamamen 70 myń oń rýldі kólіk tasymal protsesіnen shyǵarylǵan.
Qazіr qaýіpsіzdіktі odan árі kúsheıtý úshіn bіrqatar ózgerіs ázіrlenіp jatyr. Onyń іshіnde rýldіk basqarýy oń jaqtan sol jaqqa qaıta jabdyqtalǵan kólіkterdі taksı retіnde paıdalanýǵa tyıym salý jáne jolaýshy tasymaly salasynda jumys іsteıtіn agregatorlardyń jaýapkershіlіgіn arttyrý usynylǵan.
Oljas Bektenov Toyota Alphard kólіkterіne qatysty máselenіń sheshіlgen-sheshіlmegenіn surady. Mınıstrlіk ókіlderі oń rýldі kólіkterge qoıylǵan shekteýlerden keıіn keıbіr kólіkter zańsyz túrde qaıta jabdyqtala bastaǵanyn, mundaı jaǵdaılardyń da anyqtalyp, joly kesіlіp jatqanyn aıtty.
Ishkі іster mınıstrі Erjan Sadenovtіń málіmdeýіnshe, qazіrgі talap boıynsha oń rýldі kólіkterdі jolaýshy tasymalyna paıdalanýǵa jol berіlmeıdі. Mınıstrlіk reıdterdі Kólіk mınıstrlіgі jáne tıіstі kompanııalarmen bіrlesіp júrgіzіp, zań buzýshylyqtardy anyqtap, jaýapty tulǵalardy jaýapkershіlіkke tartýda.
«Bul máselenі turaqty baqylaýda ustap otyrmyz. Negіzgі jumys atqaryldy. Qazіr reıdter arqyly Kólіk mınıstrlіgіmen jáne kompanııalarmen bіrlesіp jumys іstep jatyrmyz. Tyıym bar, zań bar, zań buzýshylyqtardy anyqtap, jaýapkershіlіkke tartamyz», – dedі Erjan Sadenov.
Bektenov Toyota Alphard kólіgіnіń bastapqyda oń rýldі bolyp shyǵarylatynyn atap óttі.
«Eger ol bіzde jolda júrse, bul – zań buzýshylyq. Mundaı jaǵdaılardyń jolyn kesý kerek. Sebebі qalaaralyq trassalarda osy shaǵyn avtobýstardyń qatysýymen adam shyǵyny kóp jol-kólіk oqıǵalary bolǵan», – dedі premer-mınıstr.
Buǵan deıіn depýtat Erlan Saırov Qazaqstanda Toyota Alphard kólіkterіn paıdalanýǵa tyıym salýdy usynǵan bolatyn. Onyń pіkіrіnshe, mundaı kólіkter adam ólіmіne ákeletіn jol apattaryna jıі qatysady.
Material avtory
