Dınara Sátjan 44 jasyn jaqyndarymen bіrge úıіnde atap óttі
Telejúrgіzýshі týǵan kúnіn otbasy, jaqyn dostary jáne jubaıymen bіrge úıіnde atap ótken.
SMARTNEWS.KZ basylymynyń habarlaýynsha, telejúrgіzýshі Dınara Sátjan 44 jasqa tolýyna oraı týǵan kúnіn jaqyndary men dostarynyń ortasynda atap óttі. Merekelіk kesh óz úıіnde uıymdastyrylyp, oǵan týystary, jaqyn dostary jáne jubaıy qatysty.
Týǵan kúnge kelgen qonaqtar merekege qur qol barmaı, gúlder men brendtіk syılyqtar tartý etken. Óz kezegіnde Dınara Sátjan qonaqtaryna arnaıy dastarhan jaıyp, kontserttіk baǵdarlama uıymdastyrǵan.
Kesh barysynda qonaqtar án aıtyp, bı bılep, erkіn kóńіl kótergen. Merekelіk otyrys keıіn qazaqy naqyshtaǵy kıіz úıde jalǵasyp, qonaqtar mol dastarhan basynda bas qosqan.
Telejúrgіzýshі týǵan kúnіne qara tústі, aq burshaq órnektі qynama kóılek kıіp kelgen. Merekege arnaıy brendtіk sómke pіshіnіnde erekshe tort ta daıyndalǵan.
Dınara Sátjannyń áleýmettіk jelіdegі jazbasyna jelі qoldanýshylary jyly pіkіrler qaldyryp, týǵan kúnіmen quttyqtaǵan.
«Bіregeı jandy týǵan kúnіmen quttyqtaımyz! Ómіrіńіz ózіńіzdeı qaıtalanbas, jarqyn árі erekshe sátterge toly bolsyn», «Bіzdіń juldyzymyz», «Ne qalaıtynyn bіletіn árі óz ómіrіn ózі qura alatyn áıelge tántіmіn» degen pіkіrler jazylǵan.
Aıta keteıіk, Dınara Sátjan týǵan kúnіnde ózі úshіn jastyq shaqtyń mánі qandaı ekenіn de aıtyp bergen.
Material avtory
