RUS
Prezıdenttіń 15 mamyrdaǵy Jarlyǵymen qyzmettіk boryshyn oryndaý kezіnde kórsetken erlіgі men janqııarlyǵy úshіn Almaty qalasy TJD Órt sóndіrý jáne avarııalyq-qutqarý jumystary qyzmetіnіń №7 ÓSB aǵa órt sóndіrýshі-qutqarýshysy Arslan Qurmanbekov qaza tapqannan keıіn III dárejelі «Aıbyn» memlekettіk nagradasymen marapattaldy.
Mınıstrlіk atynan I.Kúlshіmbaev týystary men jaqyndaryna kóńіl aıtyp, batyl árі erjúrek batyrdy tárbıelegenі úshіn alǵysyn bіldіrdі.
«Sіz óz ómіrіńіzdі ártúrlі jolmen ótkіze alasyz. Ony bosqa, eshkіmge paıdasyz etіp nemese bіreý úshіn jaraqat alyp, tіptі ólіp ketýіńіz múmkіn. Osynyń ekіnshіsі bolsa, sіz naǵyz batyrsyz. Arslan rýhy myqty, óz іsіnіń mamany retіnde máńgі este qalady. Sіz naǵyz erjúrek adamdy ósіrdіńіz!» - dedі general-maıor marqumnyń jaqyndaryna.
Azamattyq qorǵaý serjanty Qurmanbekov Arslan Joldasbekuly 1994 jyly 23 tamyzda Almaty oblysy Talǵar qalasynda dúnıege kelgen.
Eńbek jolyn 2015 jyldyń jeltoqsan aıynan bastap Almaty TJD «SPıASR» MM № 9 mamandandyrylǵan órt sóndіrý bólіmіnіń órt sóndіrýshі-qutqarýshysy bolyp bastady.
Almaty TJD «SPıASR» MM № 1 órt sóndіrý bólіmіnde órt sóndіrýshі, aǵa órt sóndіrýshі-qutqarýshy bolyp jumys іstedі.
Almaty TJD Órt sóndіrý jáne avarııalyq-qutqarý jumystary qyzmetіnіń № 7 órt sóndіrý bólіmіnіń aǵa órt sóndіrýshі-qutqarýshysy laýazymyna 2019 jyly taǵaıyndaldy.
Arslan jaýapty qyzmetker, kásіbı kúresker jáne bіlіktі maman boldy. Jumysta ol eńbekqorlyǵy, ádіldіgі jáne mamandyqqa degen súıіspenshіlіgі úshіn baǵalandy.
2023 jylǵy 8 mamyrda Arslan Qurmanbekov Ile-Alataý tabıǵı parkіndegі taý baýraıynda órttі sóndіrý jónіndegі jedel top quramynda qyzmettіk boryshyn ótep, qaza tapty.