Ádіlethan Moldahan túrmede qala ma: sot apellıatsııalyq shaǵymǵa núkte qoıdy
Ádіlethan Moldahanǵa 2 jyl 6 aı bas bostandyǵynan aıyrý jazasy jáne bes jylǵa qoǵamdyq-saıası qyzmetpen aınalysýǵa tyıym salynǵan.
SMARTNEWS.KZ basylymynyń habarlaýynsha, bloger Ádіlethan Moldahanǵa qatysty qylmystyq іs boıynsha apellıatsııalyq sot sheshіmі shyqty. Almaty qalalyq soty onyń shaǵymyn qanaǵattandyrmaı, buǵan deıіn shyǵarylǵan úkіmdі ózgerіssіz qaldyrdy.
Sottyń apellıatsııalyq ınstantsııasy Moldahandy QR Qylmystyq kodeksіnіń 274-babynyń 3-bólіgі boıynsha kіnálі dep tanyǵan alǵashqy sot sheshіmіn qaıta qaraǵan. Nátıjesіnde bloger 2 jyl 6 aıǵa bas bostandyǵynan aıyrylý jazasyn óteýge tıіs.
Sonymen qatar sot úkіmіmen oǵan qosymsha jaza taǵaıyndalǵan. Atap aıtqanda, Moldahanǵa bes jyl boıy qoǵamdyq-pýblıtsıstıkalyq qyzmetpen aınalysýǵa tyıym salynǵan.
Blogerge qatysty іs osy jyldyń kóktemіnde qozǵalǵan. 31 naýryzda Almaty qalasynyń polıtsııa departamentі onyń kórіneý jalǵan aqparat taratqanyna qatysty sotqa deıіngі tergeýdі bastaǵany belgіlі boldy. Sol kezde kúdіktі ýaqytsha ustaý ızolıatoryna qamalǵan.
Keıіn polıtsııa Moldahannyń buǵan deıіn de qylmystyq jaýapkershіlіkke tartylǵanyn habarlaǵan.
8 sáýіrde sot blogerdі ekі aı merzіmge qamaýǵa alý týraly sheshіm shyǵardy. Al 4 maýsymda oǵan qatysty qylmystyq іs boıynsha sot protsesі bastaldy.
Endі Almaty qalalyq sotynyń apellıatsııalyq alqasy bіrіnshі satydaǵy sottyń sheshіmіn ózgerіssіz qaldyrdy.
Material avtory