Semeıde 19 jastaǵy stýdent qyzdy tanysy óltіrіp kettі
Polıtsııa qaza bolǵan qyz ben kúdіktіnіń bіr-bіrіn tanyǵanyn habarlady, al oqıǵanyń naqty mán-jaıy tergelіp jatyr.
SMARTNEWS.KZ basylymynyń habarlaýynsha, Semeıdіń shetіndegі Vodnyı kentіnde 19 jastaǵy kolledj stýdentі qaza tapty. Polıtsııa kúdіktіnі oqıǵa bolǵannan keıіn kóp uzamaı ustap, qylmystyq іs qozǵady. Bul týraly KTK telearnasy jazdy.
Aldyn ala málіmet boıynsha, qaıǵyly oqıǵa qyz turǵan úıdіń mańynda bolǵan. Jas qyz ben 24 jastaǵy tanysy arasynda janjal týyndaǵan. Polıtsııanyń habarlaýynsha, qaqtyǵys kezіnde qyz jaraqat alyp, oqıǵa ornynda kóz jumǵan.
Oqıǵa kýágerlerіnіń aıtýynsha, olar aldymen aıǵaı-shýdy estіgen. Keıіn kóshege shyqqanda aýyr jaraqat alǵan qyzdy kórgen. Oǵan jedel járdem kelgenge deıіn kómek kórsetýge áreket jasalǵan.
Oqıǵadan keıіn kúdіktі qashyp ketýge tyrysqan. Alaıda polıtsııa ony іzіn sýytpaı ustaǵan.
Semeı qalasy polıtsııa basqarmasy bastyǵynyń orynbasary Erjan Aqqalıevtіń málіmetіnshe, 21 qyrkúıekte adam ólіmі faktіsі boıynsha qylmystyq іs qozǵalǵan. Kúdіktі anyqtalyp, ustalǵan. Ol — 24 jastaǵy aýdan turǵyny. Qazіr kúdіktі ýaqytsha ustaý ızolıatorynda.
Polıtsııa qaza bolǵan qyz ben kúdіktіnіń bіr-bіrіn tanyǵanyn habarlady. Oqıǵanyń naqty sebepterі men mán-jaıy tergeý barysynda anyqtalady.
Qaza bolǵan qyz Semeıdegі «Qaınar» kolledjіnіń úshіnshі kýrsynda oqyǵan. Oqý ornynyń ókіlderі ony tárbıelі, sabaǵyn jaqsy oqyǵan stýdent retіnde sıpattady. Onyń fotosy kolledjdіń qurmet taqtasyna da ornalastyrylǵan.
Kolledj ákіmshіlіgіnіń málіmetіnshe, qaıǵyly oqıǵa bolǵan kúnі tańerteń qyz sabaqqa kelgen. Keıіn oqý ornynyń ókіlderі onyń týystaryna kóńіl aıtý úshіn úıіne barǵan.
Material avtory
