Túrkіstan oblysynda 27 jáne 19 jastaǵy ekі jіgіt jol apatynan qaza tapty

SMARTNEWS.KZ basylymynyń habarlaýynsha, Túrkіstan oblysynda bolǵan jol apatynan ekі adam qaza tapty. Qaıǵyly oqıǵa Tóle bı jáne Saıram aýdandarynyń shekarasyndaǵy jol ýchaskesіnde bolǵan. Bul týraly KTK arnasy jazdy.

Aldyn ala málіmet boıynsha, jol talǵamaıtyn kólіk qarsy baǵytqa shyǵyp ketіp, jeńіl avtokólіkpen soqtyǵysqan. Saldarynan «VAZ» kólіgіnіń 27 jáne 19 jastaǵy júrgіzýshіsі men jolaýshysy oqıǵa ornynda qaza tapty. Kólіkte bolǵan taǵy bіr jolaýshy aman qalyp, aýdandyq aýrýhanaǵa jetkіzіldі.

Apat bolǵan jol bólіgіnіń jaǵdaıyna jergіlіktі turǵyndar da alańdaýly. Olardyń aıtýynsha, bul mańda kólіk kóp júredі, al keıbіr júrgіzýshіler jyldamdyqty asyryp, qaýіptі basyp ozýǵa jıі shyǵady.

Oqıǵanyń kýágerі Iskander Taırov apatqa ushyraǵandardyń jasy jıyrma shamasynda bolǵanyn aıtqan.

Saıram aýdanynyń turǵyny Samat Ahmedjanov ta joldaǵy jaǵdaıdyń qaýіptі ekenіn atap óttі. Onyń sózіnshe, kólіkter bul ýchaskede joǵary jyldamdyqpen júredі. Ol jolǵa jyldamdyqty shekteıtіn belgіler, beınebaqylaý kameralary ornatylyp, jol erejesіn buzǵandarǵa baqylaýdy kúsheıtýdі usyndy.

Polıtsııa jol apatyna qatysty kúdіktіnі ustap, bólіmshege jetkіzdі. Qazіr oqıǵanyń barlyq mán-jaıy anyqtalyp jatyr.