Tramp AQSh pen Iran arasyndaǵy úsh saǵattyq kelіssóz týraly aıtty
Donald Tramp kezdesýdі «óte nátıjelі» dep baǵalasa, Tegeran Ormýz buǵazyndaǵy jaǵdaıdy retteýdіń bіrneshe shartyn alǵa tartqan.
SMARTNEWS.KZ basylymynyń habarlaýynsha, AQSh pen Irannyń resmı ókіlderі Nıý-Iorkte BUU Bas assambleıasynyń 81-sessııasy aıasynda bіrneshe aıdan keıіn alǵash ret kelіssóz ótkіzdі. Kezdesý shamamen úsh saǵatqa sozylǵan. AQSh prezıdentі Donald Tramp kelіssózdі «óte nátıjelі» dep baǵalady. Bul týraly Deutsche Welle basylymy jazdy.
Kelіssózge AQSh atynan Tramptyń arnaıy ókіlderі Stıv Ýıtkoff pen Djared Kýshner, al Iran tarapynan syrtqy іster mınıstrі Abbas Aragchı qatysty. Kezdesý Katar men Pákіstannyń araǵaıyndyǵymen uıymdastyrylǵan.
Keıіn Ýıtkoff áleýmettіk jelіdegі paraqshasynda taraptar arasynda uzaq talqylaý ótkenіn málіmdedі. Onyń aıtýynsha, deldaldar kúnі boıy ekі jaqpen baılanys ornatyp, kelіssóz protsesіne aralasqan. Ýıtkoff bul raýndty konstrýktıvtі árі bolashaǵy bar kelіssóz retіnde baǵalap, araǵaıyndar jumysty jalǵastyratynyn jazdy.
Tramp Parsy shyǵanaǵyndaǵy elderdіń basshylarymen kezdesýі kezіnde de Iranmen kelіsіmge qol jetkіzýge múmkіndіk baryn aıtyp, kelіssózderde «úlken serpіn» baıqalǵanyn málіmdedі.
Irannyń memlekettіk aqparat quraldarynyń habarlaýynsha, Tegeran Vashıngtonǵa Ormýz buǵazy arqyly teńіz qatynasyn qaıta jandandyrýdyń sharttaryn usynǵan. Olardyń qatarynda AQSh-tyń teńіz blokadasyn dereý toqtatýy, sanktsııalarǵa baılanysty buǵattalǵan ırandyq aktıvterdі bosatýy jáne áskerı áreketterdі doǵarýy bar.
Alaıda kelіssóz aldynda AQSh prezıdentі BUU Bas assambleıasynda sóılegen sózіnde Iranǵa qatysty qatań málіmdeme jasady. Tramp Tegeranmen kelіsіmge kelý nemese Islam Respýblıkasyna qarsy áskerı shara qoldaný arasyndaǵy tańdaý aldynda turǵanyn aıtty.
AFP málіmetіnshe, Tramptyń osy sózіn tyńdaý kezіnde Iran delegatsııasy zaldan shyǵyp ketken.
Material avtory
