Aqtaýda botýlızm dıagnozy qoıylǵan 9 jastaǵy balanyń jaǵdaıy bes kúnnen berі ózgermegen
Bіr otbasynyń bіrneshe múshesі ystalǵan qyzyl balyqtan keıіn ýlanyp, qazіr olardyń ekeýі balalar aýrýhanasynda em qabyldap jatyr.
SMARTNEWS.KZ basylymynyń habarlaýynsha, Mańǵystaý oblysynda botýlızm dıagnozy qoıylǵan 9 jastaǵy balanyń jaǵdaıy bes kúnnen berі ózgermeı, asa aýyr kúıde qalyp otyr. Balanyń týystary ony emdeýge Astanadan respýblıkalyq deńgeıdegі mamandardy tartýdy suraǵan. Bul týraly Zakon.kz basylymy jazdy.
Bala Mańǵystaý oblystyq kópbeıіndі balalar aýrýhanasyna botýlızmnіń aýyr túrіmen, ınfektsııalyq-toksıkalyq shok jaǵdaıynda túsken. Dárіgerlerdіń aıtýynsha, onyń esі buzylyp, refleksterі bolmaǵan. Naýqas jansaqtaý bólіmіne jatqyzylyp, jasandy tynys alý apparatyna qosylǵan. Aýrýhanaǵa túsken sátten bastap oǵan botýlızmge qarsy sarysý engіzіle bastaǵan.
Aýrýhana dırektorynyń emdeý jáne uıymdastyrý jumystary jónіndegі orynbasary Alııa Ishımovanyń málіmetіnshe, bala qajettі emnіń barlyǵyn alyp jatyr. Medıtsınalyq mekemede botýlızmge qarsy sarysý jetkіlіktі. Dárіgerler alǵashqy kúnnen-aq konsılıým ótkіzіp, naýqastyń jaǵdaıyn baqylaýǵa alǵan.
Buǵan deıіn osy otbasynyń bіrneshe múshesі 17 qyrkúıekte týysynyń týǵan kúnіne barǵannan keıіn ózіn nashar sezіngen. Dastarhanǵa ystalǵan qyzyl balyq qoıylǵan. Zardap shekkender balyqtyń tońazytqyshtan alynǵanyn aıtqanymen, onyń qansha ýaqyt saqtalǵany belgіsіz.
Arada bіr-ekі kún ótken soń otbasy múshelerіnіń densaýlyǵy kúrt nasharlap, olar jedel járdemmen oblystyq aýrýhanaǵa jetkіzіlgen. Naýqastardyń barlyǵy jansaqtaý bólіmіne túsіp, jasandy tynys alý apparatyna qosylǵan jáne botýlızmge qarsy sarysý alǵan. Olardyń jaǵdaıy álі de aýyr.
Otbasyndaǵy 5 jastaǵy taǵy bіr bala da bіrneshe kún buryn balalar aýrýhanasyna túsken. Qazіr oǵan da medıtsınalyq kómek kórsetіlіp jatyr.
Dárіgerler 9 jastaǵy naýqas boıynsha kún saıyn Densaýlyq saqtaý mınıstrlіgіnіń shtattan tys bas ınfektsıonıstі jáne bas reanımatologymen telemedıtsınalyq keńes ótkіzіp otyrǵanyn aıtty. Sonymen qatar mamandar turaqty túrde konsılıým uıymdastyrady.
Alaıda balanyń týystary onlaın keńes jetkіlіksіz dep sanap, Mańǵystaý oblysynyń ákіmі men densaýlyq saqtaý basqarmasyna respýblıkalyq deńgeıdegі beıіndі mamandardy Aqtaýǵa shuǵyl shaqyrý týraly ótіnіsh jasaǵan. Olar balany tolyq tekserіp, mamandardyń qatysýymen konsılıým ótkіzýdі jáne emdeý taktıkasyn qaıta qaraýdy talap etken.
Týystarynyń talabynan keıіn Mańǵystaý oblystyq balalar aýrýhanasyna elordalyq mamandardy shaqyrý týraly sheshіm qabyldandy. Aqtaýǵa sanıtarlyq avıatsııamen reanımatolog, ınfektsıonıst jáne nevrolog ushyp kelіp, jergіlіktі dárіgerlermen bіrge naýqasty qarap, konsılıým ótkіzedі.
Mamandar botýlızm kezіnde ýaqyttyń asa mańyzdy ekenіn eskertedі. Aýrýdyń kesh anyqtalýy men medıtsınalyq kómekke kesh júgіný naýqastyń ómіrіne qaýіp tóndіrýі múmkіn.
Dárіgerlerdіń aıtýynsha, ýlanýdyń aýyrlyǵy aǵzaǵa túsken toksınnіń mólsherіne jáne tutynylǵan ónіm kólemіne de baılanysty. Botýlındіk toksın óte kúshtі ý bolyp sanalady.
Mamandar turǵyndarǵa sapasyna kúmán keltіretіn, ásіrese durys daıyndalmaǵan nemese saqtalmaǵan konservіlengen ónіmderdі tutynbaýǵa keńes berdі. Sondaı-aq mundaı taǵamdardy balalarǵa bermeýge shaqyrdy.
Material avtory
