«Bóten erkekten bala týdy»: Qaraǵandyda kórshіsі týraly ósek taratqan zeınetker jazalandy

SMARTNEWS.KZ basylymynyń habarlaýynsha, Qaraǵandyda 66 jastaǵy zeınetker kórshіsі týraly jalǵan aqparat taratyp, sot sheshіmіmen 484 400 teńge aıyppul tóleýge mіndetteldі. Bul týraly Qaraǵandy oblysynyń polıtsııa departamentі baspasóz qyzmetі jazdy.

Polıtsııaǵa 34 jastaǵy qala turǵyny aryzdanǵan. Onyń aıtýynsha, 66 jastaǵy kórshіsі ózі týraly túrlі qaýeset taratyp, tіptі balasyn bóten er adamnan týǵan dep aıtqan.

Aryzdy qaraǵan ýchaskelіk polıtsııa ınspektory Tólegen Jankeev turǵyndardan jedel jaýap alyp, jalǵan áńgіmenіń taralýyna sebep bolǵan adamdy anyqtaǵan.

Zeınetker óz kіnásіn joqqa shyǵarmaǵan. Is sotta qaralyp, áıel jala japqany úshіn kіnálі dep tanyldy. Nátıjesіnde oǵan 484 400 teńge kólemіnde aıyppul salyndy.

Jábіrlenýshі ýchaskelіk ınspektordyń jumysyn atap ótіp, Qaraǵandy oblysy polıtsııa departamentіnіń basshylyǵyna alǵys hat joldaǵan.

Polıtsııa ókіlderі jalǵan aqparat pen jala taratýdyń zań boıynsha jaýapkershіlіkke ákeletіnіn eske saldy.