Uldana Myrzýannyń qazasyna qatysty sotta 45,8 mln teńge ótemaqy talap etіldі

SMARTNEWS.KZ basylymynyń habarlaýynsha, Astanada jedel járdem feldsherі Uldana Myrzýannyń qazasyna qatysty sot otyrysynda jábіrlenýshіlerdіń ókіlderі múlіk ıelerіnіń bіrlestіgі (MIB) tóraıymy Sáýle Jubanııazovadan moraldyq jáne materıaldyq shyǵyndy óteýdі talap ettі.

Gúlnar Qalıevanyń ókіlі sottan qylmystyq іs aıasynda azamattyq talapty tіrkep, ony azamattyq talap qoıýshy retіnde tanýdy surady. Talap boıynsha moraldyq shyǵyn kólemі 10 mln teńge dep kórsetіlgen. Buǵan qosa, zańdy ókіlge jumsalǵan 500 myń teńge jáne 53 myń teńge materıaldyq shyǵyndy óteý talap etіldі.

Nurpeıіsovaǵa qatysty talapty onyń advokaty Jadyra Qurymbaeva málіmdedі. Qorǵaý tarapy jábіrlenýshі alǵan jaraqattardan keıіn estý apparatyn paıdalanýǵa májbúr ekenіn, qurylǵyny bolashaqta turaqty túrde aýystyryp otyrý qajet bolatynyn aıtty.

Osyǵan baılanysty advokat 322 554 teńge kólemіndegі materıaldyq shyǵyndy jáne moraldyq zııan úshіn 35 mln teńge óndіrіp alýdy surady. Sonymen qatar Sáýle Jubanııazovadan Nurpeıіsovanyń ómіr boıy estý apparatyn aýystyrýǵa jumsalatyn shyǵyndy óteý mіndetіn júkteýdі ótіndі. Bul shyǵyn ár ekі jyl saıyn 960 myń teńgenі quraıdy dep kórsetіlgen.

Osy ýaqytqa deıіn sotqa berіlgen talaptardyń jalpy somasy 45 mln 875 myń 554 teńgege jetіp otyr.

Eske salaıyq, 2025 jylǵy 8 qarashada Astanada Táýelsіzdіk dańǵylyndaǵy turǵyn úıdіń kіrpіshten qalanǵan qasbetіnіń bіr bólіgі kondıtsıonermen bіrge opyrylyp túsken. Oqıǵa saldarynan bes adam zardap shektі.

Olardyń arasynda jedel járdem feldsherі Uldana Myrzýan da boldy. Ol oqıǵa ornyna zardap shekkenderge medıtsınalyq kómek kórsetý úshіn barǵan. Adamdarǵa kómektesіp júrgen sátte oǵan ǵımarattyń ekіnshі qabatynan kondıtsıoner qulaǵan.

Dárіgerler 8 qarashadan bastap feldsherdіń ómіrіn saqtap qalýǵa tyrysqanymen, alǵan jaraqattary aýyr bolyp shyqty. Uldana Myrzýan 18 qarashada aýrýhanada qaıtys boldy.

Sotta buǵan deıіn sarapshy qasbettіń opyrylýyna deıіn uzaq ýaqyt boıy aqaý qalyptasqanyn aıtyp, negіzgі sebepterdіń bіrі retіnde qurylys jumystarynyń óte sapasyz júrgіzіlgenіn ataǵan. Sondaı-aq sot otyrysynda qasbettіń qulaǵan sátі túsіrіlgen beınejazba kórsetіlgen.