SQO-da júktі áıelіn uryp, tunshyqtyryp, qorqytyp kelgen er adam túrmege qamaldy
Sot er adamnyń áıelіne bіrneshe ret kúsh kórsetіp, ony qorqytyp, medıtsınalyq kómek alýyna kedergі keltіrgenіn anyqtady.
SMARTNEWS.KZ basylymynyń habarlaýynsha, Soltústіk Qazaqstan oblysynda júktі áıelіne bіrneshe aı boıy fızıkalyq jáne psıhologııalyq qysym kórsetken er adam tórt jylǵa bas bostandyǵynan aıyryldy. Ol áıelіn uryp-soǵyp, qorqytyp, medıtsınalyq kómekke júgіnýіne kedergі keltіrgen. Bul týraly Qylmystyq іster jónіndegі kassatsııalyq sot jazdy.
Sot materıaldaryna sáıkes, T. esіmdі azamat 2024 jyldyń tamyzy men qazany aralyǵynda júktі áıelіne bіrneshe ret kúsh kórsetken. Ol áıelіnіń basynan, betіnen, ıyǵy men іshіnen uryp, tunshyqtyrǵan, úı іshіnde ustap, qorqytyp, syrttan kómek alýyna kedergі keltіrgen.
Er adam júktі áıelіnіń moınyna shańsorǵyshtyń symyn baılap, ony belgіlі bіr ýaqyt boıy bosatpaı ustaǵan. Sonymen qatar jábіrlenýshіnіń medıtsınalyq kómekke júgіnýіne múmkіndіk bermegen.
Bіrіnshі ınstantsııa soty er adamdy Qylmystyq kodekstіń 110-baby 2-bólіgі 3-tarmaǵynda kózdelgen, kórіneý júktі áıeldі azaptaý qylmysy boıynsha kіnálі dep tanyp, tórt jylǵa bas bostandyǵynan aıyrý jazasyn taǵaıyndady. Apellıatsııalyq sot bul úkіmdі ózgerіssіz qaldyrǵan.
Keıіn іs Qylmystyq іster jónіndegі kassatsııalyq sotta qaraldy. Sot alqasy sottalýshynyń kіnásі іs boıynsha jınalǵan jáne zerttelgen dálelderdіń jıyntyǵymen tolyq dáleldengen degen qorytyndyǵa keldі.
Jábіrlenýshіnіń kórsetýlerі kýágerlerdіń jaýaptarymen, oqıǵaǵa qatysty beınejazbamen, medıtsınalyq qujattarmen jáne sot saraptamalarynyń qorytyndylarymen sáıkes kelgen. Saraptamalar áıeldіń denesіndegі jaraqattardy jáne onyń júktіlіgіn rastaǵan.
Kassatsııalyq sot jazany jeńіldetýge quqyqtyq negіz joq ekenіn atap óttі. Sot taǵaıyndalǵan tórt jyldyq jaza qylmystyń aýyrlyǵyna saı árі ádіl dep baǵalap, burynǵy sot sheshіmderі men úkіmdі ózgerіssіz qaldyrdy.
Material avtory
