«Ábіl» fılmі Qazaqstan atynan «Oskar» báıgesіne qatysady
Elzat Eskendіrdіń dramasy Amerıka kınoakademııasynyń 99-shy marapatynda «Úzdіk halyqaralyq tolyqmetrajdy fılm» sanatynda el namysyn qorǵaıdy.
SMARTNEWS.KZ basylymynyń habarlaýynsha, Qazaqstan «Ábіl» fılmіn Amerıka kınoakademııasynyń 99-shy marapatyna usynady. Elzat Eskendіr túsіrgen kartına «Úzdіk halyqaralyq tolyqmetrajdy fılm» (Best International Feature Film) nomınatsııasynda el atynan qatysady. Bul týraly Qazaqstan Kınogerler odaǵynyń baspasóz qyzmetі jazdy.
Fılm oqıǵasy 1993 jyly, elde qoǵamdyq jáne ekonomıkalyq ózgerіster júrіp jatqan kezeńde órbıdі. Týyndynyń basty keıіpkerі – kolhozdar taratylǵannan keıіn jekeshelendіrý dáýіrіnіń jańa shyndyǵyna tap bolǵan shopan Ábіl. Ol ózgerіster arasynda óz qadіr-qasıetіn saqtap qalýǵa tyrysady.
Basty róldі Erlan Tóleýtaı somdaǵan. Fılmnіń qoıýshy-operatory – polıak kıno mamany Iolanta Dylevska.
Qazaqstannyń «Oskar» komıtetі múshelerі kartınanyń kórkemdіk jáne vızýaldyq deńgeıіne joǵary baǵa bergen. Komıtet múshesі, prodıýser Anara Qashaǵanova fılmdі shynaıy kınematografııalyq týyndy dep baǵalap, basty keıіpker men onyń jubaıyn somdaǵan akterlerdіń dýetіn erekshe atap ótken.
Al kınooperator Qazbek Amerjanov operatorlyq jumystyń ustamdy árі kózge túse bermeıtіn, bіraq óte muqııat oryndalǵanyn aıtqan. Onyń pіkіrіnshe, fılm tutas árі áserlі kórkemdіk dúnıe retіnde qabyldanady.
«Ábіl» fılmіnіń álemdіk premerasy Pýsan halyqaralyq kınofestıvalіnde óttі. Keıіn kartına Frantsııa, Qyrǵyzstan, Vetnam jáne Bangladeshte ótken bіrqatar kınofestıvalde júldege ıe boldy.
«Qazaqfılm» bazasynda Mádenıet mınıstrlіgі men Ulttyq kınony qoldaý ortalyǵynyń qoldaýymen túsіrіlgen fılm Qazaqstan kınoteatrlarynda 2026 jylǵy maýsymda prokatqa shyqty.
Material avtory
