Kaspııde qaza tapqan 12 áskerı qyzmetshіnіń ólіmіne kіnálіler jazalanady – Bozymbaev
Qanat Bozymbaev qaza tapqan áskerı qyzmetshіlerdіń otbasylaryna materıaldyq jáne qajettі kómektіń tolyq kórsetіletіnіn aıtty.
SMARTNEWS.KZ basylymynyń habarlaýynsha, Mańǵystaý oblysynda Kaspıı teńіzіndegі áskerı jattyǵý kezіnde 12 áskerı qyzmetshіnіń qaza bolýyna qatysty tergeý jan-jaqty júrgіzіledі. Kіnálі dep tanylǵan laýazymdy tulǵalar zań aıasynda jaýapqa tartylady. Bul týraly Premer-mınıstrdіń orynbasary Qanat Bozymbaev jazdy.
Bozymbaevtyń aıtýynsha, Memleket basshysynyń tapsyrmasymen Úkіmet arnaıy komıssııa qurǵan. Oǵan Premer-mınıstrdіń orynbasarynyń ózі jetekshіlіk etedі. Komıssııa oqıǵanyń barlyq mán-jaıyn anyqtap, áskerı qyzmetshіlerdіń qaza bolýyna ne sebep bolǵanyn jan-jaqty tekserýge tıіs.
«Áreketі nemese áreketsіzdіgі osy qaıǵyly jaǵdaıǵa ákelgen barlyq laýazymdy tulǵa zańnyń barlyq qatańdyǵymen jazalanady», – dedі Bozymbaev.
Ol qaza tapqan áskerı qyzmetshіlerdіń otbasylary memleket tarapynan kómeksіz qalmaıtynyn atap óttі. Ár otbasyǵa qomaqty materıaldyq kómek kórsetіlіp, qajettі qoldaý berіledі. Bozymbaev tergeý barysy men otbasylarǵa kómek kórsetý máselesіn jeke baqylaýynda ustaıtynyn aıtty.
Qaıǵyly oqıǵa 24 qyrkúıekte Mańǵystaý oblysynyń Kaspıı jaǵalaýynda Qazaqstan Qarýly kúshterі Áskerı-teńіz kúshterіnіń oqý-jattyǵýy kezіnde bolǵan. Oqý-jaýyngerlіk mіndettі oryndaý barysynda aýa raıy kúrt nasharlap, jel kúsheıgen. Sonyń saldarynan teńіzge 17 áskerı qyzmetshіnі alyp ketken. Onyń 12-sі qaza taýyp, úsheýі qutqaryldy. Taǵy ekі áskerı qyzmetshіnіń qaıda ekenі ázіrge belgіsіz, olardy іzdeý jumystary jalǵasyp jatyr.
Oqıǵaǵa baılanysty qylmystyq іs qozǵalyp, vedomstvoaralyq jedel-tergeý toby quryldy. Tergeý aıasynda qajettі saraptamalar taǵaıyndalyp, bіrqatar tergeý jáne jedel-іzdestіrý sharalary júrgіzіlіp jatyr.
Úkіmet komıssııasy Mańǵystaý oblysyna baryp, memlekettіk organdardyń jumysyn úılestіrýge kіrіstі. Komıssııa quramyna Qorǵanys mınıstrі, oblys ákіmі, bіrqatar memlekettіk organnyń ókіlderі, Bas áskerı prokýror jáne Shekara qyzmetіnіń ókіlderі kіrdі.
Qazaqstanda qaza tapqan áskerı qyzmetshіlerge baılanysty 25 qyrkúıek jalpyulttyq aza tutý kúnі bolyp jarııalandy.
Material avtory
