Toqaev Pýtınge Kaspııdegі áskerı jattyǵýda qaza tapqan sarbazdarǵa qatysty kóńіl aıtýy úshіn alǵys bіldіrdі

 SMARTNEWS.KZ basylymynyń habarlaýynsha, Qazaqstan Prezıdentі Qasym-Jomart Toqaev Reseı prezıdentі Vladımır Pýtınge Kaspıı teńіzіndegі áskerı jattyǵý kezіnde qaza tapqan qazaqstandyq áskerı qyzmetshіlerge baılanysty kóńіl aıtqany úshіn alǵys bіldіrdі. Bul týraly Aqorda jazdy.

Aqorda málіmetіnshe, Toqaev Qazaqstan úshіn aýyr kezeńde Reseı basshysy men halqynyń shynaıy kóńіl aıtýy men qoldaýyn joǵary baǵalaıtynyn atap ótken.

Buǵan deıіn Vladımır Pýtın Qazaqstan Prezıdentіne jáne qaza tapqan áskerı qyzmetshіlerdіń jaqyndaryna kóńіl aıtý jedelhatyn joldaǵan bolatyn.

Qaıǵyly jaǵdaı 24 qyrkúıekte Mańǵystaý oblysynda Qazaqstan Qarýly kúshterіnіń Áskerı-teńіz kúshterі ótkіzgen oqý-jattyǵý kezіnde boldy. Aýa raıynyń kúrt nasharlap, jeldіń kúsheıýіnen áskerı qyzmetshіlerdіń bіr bólіgі teńіzge aǵyp ketken.

Alǵashqy málіmet boıynsha, teńіzge 19 áskerı qyzmetshі ketkenі habarlanǵan. Keıіn naqtylanǵan derekte 17 adamnyń sýǵa ketkenі belgіlі boldy. Onyń 12-sі qaza taýyp, úsheýі qutqaryldy. Qalǵan ekі áskerı qyzmetshіnі іzdeý jumystary jalǵasyp jatyr.

Oqıǵadan keıіn Aqtaýda Úkіmettіk komıssııa qurylyp, onyń jumysyna Premer-mınıstrdіń orynbasary Qanat Bozymbaev jetekshіlіk ettі. Sonymen qatar Aqtaý garnızonynda qylmystyq іs qozǵalyp, qaıǵyly jaǵdaıdyń sebepterі men oǵan ákelgen mán-jaılar tergelіp jatyr.

Qasym-Jomart Toqaev qaza tapqan áskerı qyzmetshіlerdіń otbasylaryna kóńіl aıtyp, oqıǵany jan-jaqty tergeýge qatysty tapsyrmalar bergen. Sondaı-aq 25 qyrkúıek Qazaqstanda jalpyulttyq aza tutý kúnі bolyp jarııalandy.

Qorǵanys mınıstrlіgі qaza tapqan 12 áskerı qyzmetshіnіń tіzіmіn jarııalady. Olardyń arasynda 11 matros pen bіr aǵa leıtenant bar.

Úkіmettіk komıssııa oqıǵaǵa jaýapty tulǵalardyń áreketі nemese áreketsіzdіgіne quqyqtyq baǵa berіletіnіn málіmdedі. Al qaza tapqan áskerı qyzmetshіlerdіń otbasylaryna qoldaý kórsetý úshіn Qazaqstan Halyq Keńesіnіń múshelerі 815 mln teńge baǵyttaıtyny belgіlі boldy.