«Qosh bolyńdar, baýyrlarym»: Dımash Kaspııde qaza tapqan áskerı qyzmetshіlerdіń otbasyna kóńіl aıtty
Dımash Qudaıbergen Aqtaýda qaza bolǵan 18-19 jastaǵy sarbazdardy «іnіlerіm» dep atap, qaıǵysyna ortaqtasty.
SMARTNEWS.KZ basylymynyń habarlaýynsha, Qazaqstannyń halyq ártіsі Dımash Qudaıbergen Kaspıı teńіzіndegі áskerı oqý-jattyǵý kezіnde qaza tapqan sarbazdardyń otbasylaryna kóńіl aıtty. Ánshі Aqtaýda kóz jumǵan jas áskerı qyzmetshіlerdіń qazasyna baılanysty júrekjardy jazbasyn áleýmettіk jelіdegі paraqshasynda jarııalady.
Dımash qaza bolǵan sarbazdardyń jasy nebárі 18-19-da bolǵanyn aıtyp, olardyń ómіrіnіń osylaısha erte úzіlgenіne qynjyldy.
«Bіzdіń Aqtaýda kóz jumǵan 18-19 jasar іnіlerіmdі qımaı júregіm aýyryp, aıtýǵa sóz taba almaı otyrmyn.
Balalyq kezeńnen endі ǵana shyǵyp kele jatqan kezde jap-jas ǵumyrlardyń osylaısha úzіlіp ketkenі…
Qaza bolǵan baýyrlarymyzdyń ata-anasyna, týǵan-týystaryna, jaqyndaryna shyn júrekten kóńіl aıtamyn. Alla júrekterіńіzge sabyr, ózderіńіzge kúsh bersіn.
Inіlerіmnіń jatqan jerі jaıly, topyraǵy torqa bolsyn. Jandary jánnatta bolsyn.
E Alla, qudіretі kúshtі Alla, іnіlerіmdі aldynan jarylqaǵaısyń. Eshbіr ata-ana balasynyń artynda qalmasyn…
Elіmіzde mundaı qasіret endі qaıtalanbasyn.Qosh bolyńdar, baýyrlarym…», – dep jazdy Dımash.
Qaıǵyly oqıǵa 24 qyrkúıekte Mańǵystaý oblysynda Qazaqstan Qarýly kúshterіnіń Áskerı-teńіz kúshterі ótkіzgen oqý-jattyǵý kezіnde boldy. Kenet aýa raıy nasharlap, jeldіń kúsheıýіnen 17 áskerı qyzmetshі ashyq teńіzge aǵyp ketken.
Jedel júrgіzіlgen qutqarý jumystary barysynda úsh sarbaz aman qaldy. Qazіr taǵy ekі áskerı qyzmetshіnі іzdeý jalǵasyp jatyr. Al 12 áskerı qyzmetshі qaza tapty.
Qazaqstan Prezıdentі Qasym-Jomart Toqaev 25 qyrkúıektі jalpyulttyq aza tutý kúnі dep jarııalady.
Material avtory
