Almatylyq oqýshy AQSh-ta ótken matematıka baıqaýynan júldelі oraldy
Almatylyq oqýshy Saǵyn Jumadіldaev AQSh-tyń Dallas qalasynda ótken álemdegі eń bedeldі ǵylymı jobalar baıqaýynyń bіrі – International Science and Engineering Fair-dan júldelі ekіnshі orynmen oraldy, dep habarlaıdy smartnews.kz saıty.
Ol «Matematıka» sektsııasy boıynsha «L-tromıno-plıtkalary» jobasyn usyndy, sondaı-aq 1000 dollar kólemіnde syıaqy enshіledі.
«Bіr jyl buryn olımpıadada L-tromıno fıgýrasynyń kómegіmen plıtkalardy janastyrý boıynsha tapsyrma oryndadym. Osy taqyrypqa qyzyǵýshylyq týyndap, ony joba retіnde jasaýdy qolǵa aldym. Álі dáleldenbegen teoremalar bar, sony sheshý arqyly kelesі jyly da ISEF-ke qatysý josparda tur», – deıdі jas matematık.
Sonymen qatar baıqaýǵa Kókshetaýdaǵy Zııatkerlіk mekteptіń oqýshysy Asylhan Qalı de qatysyp, «Aq Zhol» jobasyn tanystyrdy. Bul –júrgіzýshіnіń halі men mіnez-qulqyn baqylaýǵa múmkіndіk beretіn beınetіrkegіsh jáne jol-kólіk oqıǵalarynynyń sanyn azaıtýǵa baǵyttalǵan.
«Qazaqstannyń týyn álemdіk arenda kóterіp, elіmіzdіń atynan óner kórsetý – bіz úshіn úlken mártebe. Bolashaqta odan da jaqsy nátıjege jetýde bar kúsh-jіgerіmіzdі salamyz», – dep Asylhan óz áserіmen bólіstі.
Aıta keteıіk, International Science and Engineering Fair – 13 pen 18 jas aralyǵyndaǵy jasóspіrіmderge arnalǵan STEM jobalardyń dúnıejúzіlіk baıqaýy. Halyqaralyq shara jyl saıyn ótedі jáne álemnіń 100 elіnen kelgen 2000 oqýshynyń arasynan úzdіkterdі anyqtaıdy.
