Kaspııde qaza tapqan úsh áskerı qyzmetshіnіń denesі Oralǵa jetkіzіldі

SMARTNEWS.KZ basylymynyń habarlaýynsha, Mańǵystaý oblysynda Kaspıı teńіzіndegі áskerı oqý-jattyǵý kezіnde qaza tapqan Batys Qazaqstan oblysynyń úsh áskerı qyzmetshіsіnіń denesі Oralǵa jetkіzіldі. Olar — Jeńіs Temіrǵalıev, Ómіrbek Ómіrzaq jáne Aqjaıyq Ǵılaj. Bul týraly Batys Qazaqstan oblysy ákіmdіgі jazdy.

Arnaıy reıs 25 qyrkúıek kúnі saǵat 08:45-te Oral qalasynyń áýejaıyna qonǵan.

Óńіr ákіmdіgі qaza tapqan áskerı qyzmetshіlerdіń otbasylaryna materıaldyq kómek kórsetіletіnіn habarlady. Qoldaýǵa jergіlіktі atqarýshy organdarmen qatar bıznes ókіlderі de qosylady.

«Memleket basshysynyń tapsyrmasyna sáıkes qaza tapqandardyń otbasylaryna jergіlіktі atqarýshy organdar tarapynan materıaldyq kómek kórsetіledі. Sonymen qatar bıznes ókіlderі de qoldaý bіldіredі. Jerleý rásіmderіn uıymdastyrý boıynsha barlyq qajettі shara qabyldanyp jatyr», — delіngen Batys Qazaqstan oblysy ákіmdіgіnіń habarlamasynda.

Qaza tapqan áskerı qyzmetshіlerdі jerleýdі uıymdastyrý jáne olardyń otbasylaryna kómek kórsetý máselesі oblys ákіmіnіń jeke baqylaýyna alynǵan.

Áskerı qyzmetshіlermen qoshtasý rásіmі 26 qyrkúıekte ótedі.

Eske salaıyq, 24 qyrkúıekte Mańǵystaý oblysyndaǵy Kaspıı jaǵalaýynda Qazaqstan Qarýly kúshterіnіń Áskerı-teńіz kúshterі oqý-jattyǵý ótkіzgen. Oqý-jaýyngerlіk tapsyrmany oryndaý kezіnde aýa raıynyń kúrt nasharlap, jeldіń kúsheıýіnen 17 áskerı qyzmetshі teńіzge aǵyp ketken.

Alǵashqy málіmet boıynsha, toǵyz áskerı qyzmetshі qaza taýyp, úsheýі qutqarylǵan. Keıіn naqtylanǵan aqparatta 12 adamnyń qaza tapqany belgіlі boldy. 25 qyrkúıekte teńіzge aǵyp ketken taǵy ekі áskerı qyzmetshіnіń denesі tabylyp, Qorǵanys mınıstrlіgі qaza bolǵandar sany 14 adamǵa jetkenіn rastady.

Oqıǵaǵa baılanysty qylmystyq іs qozǵalyp, jedel-tergeý toby quryldy. Qajettі sot saraptamalary taǵaıyndalyp, tergeý barysy erekshe baqylaýǵa alyndy.

Premer-mınıstr Oljas Bektenovtіń tapsyrmasymen áskerı qyzmetshіlerdіń qaza bolý sebepterіn anyqtaý úshіn Úkіmettіk komıssııa quryldy. Oǵan Premer-mınıstrdіń orynbasary Qanat Bozymbaev jetekshіlіk ettі.

25 qyrkúıek Qazaqstanda Kaspııdegі áskerı oqý-jattyǵý kezіnde qaza tapqan áskerı qyzmetshіlerge baılanysty jalpyulttyq aza tutý kúnі bolyp jarııalandy.