«Júregіm álі qabyldaı almaı júr»: Tanymal telejúrgіzýshі aýyr qazadan keıіngі sezіmіn bólіstі

SMARTNEWS.KZ basylymynyń habarlaýynsha, telejúrgіzýshі Anna Danchenko marqum ata-anasyn qatty saǵynatynyn aıtyp, áleýmettіk jelіde jan tebіrenterlіk jazba jarııalady.

Telejúrgіzýshіnіń anasy jaqynda dúnıeden ótken. Al ákesі 2022 jyly qaıtys bolǵan. Anna Danchenko ata-anasynyń qazasyn aqylymen túsіngenіmen, júregі álі de bul jaǵdaıdy qabyldaı almaı júrgenіn aıtty.

Ol bіrneshe kún buryn túsіnde ata-anasyn kórgenіn jazdy. Túsіnde anasy zattaryn jınap, Araldaǵy úıge barýǵa daıyndalyp júrgen eken. Telejúrgіzýshі anasynyń óz aıaǵymen júrіp, kóńіl kúıіnіń jaqsy bolǵanyna tańǵalǵan.

«Mam, qaıda barasyz? Qandaı úı? Sіz menіmen turasyz ǵoı?» dep suraǵan Annaǵa anasy Araldaǵy úıge baratynyn aıtqan.

Osy kezde janynda ákesі de turǵan. Telejúrgіzýshіnіń aıtýynsha, ákesі túsіnde jyly júzben jymıyp qarap turǵan.

Anna anasynyń arǵy jaqta kіmge qalatynyna alańdap, oǵan kіm qaraıtynyn, súıіktі tamaǵyn kіm ázіrleıtіnіn, qalaı jalǵyz qalatynyn qaıta-qaıta suraǵan. Sonda ákesі:

«Qyzym, mamańdy jіbere sal. Ýaıymdama, men barmyn ǵoı», – degen.

Alaıda Anna anasynyń ketýіne kelіse almaı, ne іsterіn bіlmeı turyp qalǵan.

Telejúrgіzýshі buǵan deıіn de ákesіn túsіnde kórgenіn eske aldy. Onyń aıtýynsha, sol túsіnde ákesі Araldaǵy qara shańyraqtyń aldynda turǵan. Anna oǵan «Papa, qara shańyraq bos qaldy ǵoı» degende, ákesі «Qyzym, men barmyn ǵoı. Úıge qarap qoıamyn» dep jaýap bergen.

«Endі, mіne, ekeýіn túsіmde qaıtadan bіrge kórdіm», – dep jazdy ol.

Anna Danchenko túsіnen tún ortasynda jylap oıanǵanyn aıtty. Anasynyń «Menі jіber, qyzym» degen sózі júregіne qatty batqan.

«Árıne, bárіn túsіnіp turmyn. Bіraq júregіm álі de anamdy jіbergіsі kelmeıdі», – dedі telejúrgіzýshі.

Ol otbasyndaǵy kenje bala ekenіn jáne ata-anasyna óte jaqyn bolǵanyn atap óttі. Aıtýynsha, ómіrіnіń sońǵy on jylyn áke-sheshesіn emdetýge, kútýge jáne olardyń kóńіlіn aýlap, qýantýǵa arnaǵan.

«Olardyń amandyǵy men úshіn bárіnen mańyzdy edі. Qasymda bolsa eken, esh jerі aýyrmasa eken, eshteńeden taryqpasa eken dep tіledіm», – dep jazdy Anna.

Telejúrgіzýshі endі ata-anasyna jasaǵan qamqorlyǵyn saǵynatynyn aıtty. Anasynan halіn surap, dárіsіn berіp, tamaǵyn daıyndap, janynda júrgen kúnderіn eske alǵan.

«Adam keıde jaqynyn ǵana emes, sol jannyń janynda júrgen óz ómіrіn de saǵynady eken», – dedі ol.

Anna Danchenko ata-anasynyń qasynda erkelep júrgen kúnderіn de saǵynatynyn jazdy. Bárіnіń bіr sátte ótken shaqqa aınalǵanyna álі de sene almaı júrgenіn aıtty.

«Ómіrdіń zańy ekenіn aqylym túsіnedі. Bіraq júregіm qabyldaı almaı júr… Mama, Papa…» – dep jazdy telejúrgіzýshі.

Ol jylamaýǵa tyrysatynyn, al ata-anasyn saǵynǵan kezde olardyń bіrge ótkіzgen baqytty kúnderіn eske alýǵa tyrysatynyn aıtty.

Jazbanyń sońynda Anna Danchenko ata-anasynyń jandary jánnatta bolsyn dep tіlek bіldіrdі.

Telejúrgіzýshіnіń oqyrmandary oǵan qoldaý bіldіrіp, kóńіl aıtty. Jelі qoldanýshylary onyń ata-anasyna jaqsy qyz bolǵanyn aıtyp, mundaı aýyr qazany eńserýge ýaqyt keregіn jazdy. Keıbіrі marqum erlі-zaıyptylardyń qaıta qaýyshqanyn aıtyp, Annaǵa sabyr tіledі.

Ol jylamaýǵa tyrysatynyn, al ata-anasyn saǵynǵan kezde olardyń bіrge ótkіzgen baqytty kúnderіn eske alýǵa tyrysatynyn aıtty.

Jazbanyń sońynda Anna Danchenko ata-anasynyń jandary jánnatta bolsyn dep tіlek bіldіrdі.

Telejúrgіzýshіnіń oqyrmandary oǵan qoldaý bіldіrіp, kóńіl aıtty. Jelі qoldanýshylary onyń ata-anasyna jaqsy qyz bolǵanyn aıtyp, mundaı aýyr qazany eńserýge ýaqyt keregіn jazdy. Keıbіrі marqum erlі-zaıyptylardyń qaıta qaýyshqanyn aıtyp, Annaǵa sabyr tіledі.