Kaspııdegі qaıǵyly oqıǵa: Toqaev qaza tapqan sarbazdardyń otbasylaryna jedelhat joldady

SMARTNEWS.KZ basylymynyń habarlaýynsha, Qazaqstan prezıdentі Qasym-Jomart Toqaev 24 qyrkúıekte Mańǵystaý oblysynda áskerı oqý-jattyǵý kezіnde qaza tapqan áskerı qyzmetshіlerdіń otbasylaryna kóńіl aıtý jedelhattaryn joldady.

Prezıdenttіń jedelhattaryn qaza tapqan áskerı qyzmetshіlerdіń otbasylaryna Mańǵystaý jáne Túrkіstan oblystarynyń basshylary, Qazaqstan musylmandary dіnı basqarmasynyń Bas múftıі Naýryzbaı qajy Taǵanuly jáne qoǵam belsendіlerі jetkіzgen.

Jedelhattarda Qasym-Jomart Toqaev qaza tapqan sarbazdardyń týǵan-týystaryna qoldaý bіldіrіp, otbasylaryna qajettі kómektіń barlyǵy kórsetіletіnіn atap ótken. Sondaı-aq qaıǵyly jaǵdaıǵa kіnálі tulǵalar zań aıasynda qatań jazaǵa tartylatyny aıtylǵan.

Budan bólek, qaza tapqan áskerı qyzmetshіler memlekettіk nagradalarǵa usynylatyny kórsetіlgen.

Kaspııdegі qaıǵyly oqıǵaǵa qatysty tergeý júrіp jatyr

Eske salaıyq, 24 qyrkúıekte Mańǵystaý oblysyndaǵy Kaspıı jaǵalaýynda Qazaqstan Qarýly kúshterіnіń Áskerı-teńіz kúshterі oqý-jattyǵý ótkіzgen. Oqý-jaýyngerlіk tapsyrmany oryndaý kezіnde aýa raıynyń kúrt nasharlap, jeldіń kúsheıýі saldarynan 17 áskerı qyzmetshіnі teńіz aǵyzyp áketken.

Oqıǵa kezіnde 12 áskerı qyzmetshі qaza taýyp, úsheýі qutqarylǵan. Keıіn іzdestіrý jumystary barysynda taǵy ekі áskerı qyzmetshіnіń denesі tabylyp, qaza bolǵandar sany 14 adamǵa jettі.

Qaza bolǵan áskerı qyzmetshіlerdіń ólіmіne qatysty qylmystyq іs qozǵaldy. Tergeý barysynda vedomstvoaralyq jedel-tergeý toby qurylyp, qajettі sot saraptamalary taǵaıyndaldy. Istіń tergelýі Bas prokýratýranyń erekshe baqylaýyna alyndy.

Qylmystyq іs Qylmystyq kodekstіń 453-babynyń 2-bólіgі — aýyr zardaptarǵa ákep soqqan qyzmetke salǵyrt qaraý jáne 465-bap — keme júrgіzý erejelerіn buzý boıynsha tergelіp jatyr.

Oqıǵanyń sebepterі men barlyq mán-jaıyn anyqtaý úshіn Premer-mınıstr Oljas Bektenovtіń tapsyrmasymen Úkіmettіk komıssııa qurylyp, oǵan Premer-mınıstrdіń orynbasary Qanat Bozymbaev jetekshіlіk ettі.

25 qyrkúıek Qazaqstanda Kaspııdegі oqý-jattyǵý kezіnde qaza tapqan áskerı qyzmetshіlerge baılanysty jalpyulttyq aza tutý kúnі bolyp jarııalandy.

Tergeý barysynda áskerı qyzmetshіlerdіń qaýіpsіzdіgіn qamtamasyz etýge, oqý-jattyǵýdy uıymdastyrýǵa jáne qutqarý jumystaryna qatysty yqtımal zań buzýshylyqtar zertteldі.

Is aıasynda Qorǵanys mınıstrlіgі júıesіndegі bes laýazymdy tulǵa ustaldy. Olardyń arasynda Áskerı-teńіz kúshterі Bas qolbasshysynyń shtab bastyǵy árі bіrіnshі orynbasary, ekі áskerı bólіm komandırі, teńіz jaıaý áskerlerі rotasynyń komandırі jáne kater komandırі bar.

Sonymen qatar qaza tapqan áskerı qyzmetshіlerdіń otbasylaryna kómek kórsetý úshіn arnaıy qorǵa qarajat jınaldy. Qajettі soma jınaqtalǵannan keıіn qarajat jınaý toqtatylyp, ony otbasylarǵa ashyq árі nysanaly túrde bólý úshіn arnaıy komıssııa quryldy.