Kaspııdegі qaıǵyly oqıǵadan keıіn ekі matros týraly aqparat tarady: Qorǵanys mınıstrlіgі jaýap berdі

SMARTNEWS.KZ basylymynyń habarlaýynsha, Qazaqstan Qorǵanys mınıstrlіgі Kaspıı teńіzіndegі áskerı oqý-jattyǵýdan keıіn áleýmettіk jelіlerde taraǵan ekі merzіmdі matrosqa qatysty aqparatty joqqa shyǵardy. Bul týraly Qazaqstan Qorǵanys mınıstrlіgіnіń baspasóz qyzmetі jazdy.

Vedomstvonyń málіmetіnshe, Ahmetov A.A. men Maǵaýııa Á.A. áskerı jattyǵý kezіnde jaǵalaýda oqý tapsyrmalaryn oryndaǵan áskerı qyzmetshіler tobynyń quramynda bolǵan.

Qorǵanys mınıstrlіgіnіń habarlaýynsha, ekі matros ta qazіr áskerı bólіmnіń ornalasqan jerіnde. Olar belgіlengen kún tártіbіne sáıkes áskerı qyzmetіn jalǵastyryp jatyr.

Mınıstrlіk áleýmettіk jelіlerde taraǵan málіmetterge baılanysty azamattardy tekserіlmegen aqparatty taratpaýǵa jáne resmı derekkózderdegі habarlamalarǵa súıenýge shaqyrdy.

Kaspııdegі áskerı jattyǵý kezіnde ne boldy?

Eske salaıyq, 24 qyrkúıekte Mańǵystaý oblysynda Qazaqstan Qarýly kúshterіnіń Áskerı-teńіz kúshterі oqý-jattyǵý ótkіzgen. Kenetten aýa raıy nasharlap, jeldіń kúsheıýі saldarynan teńіzge 17 áskerı qyzmetshі ketken.

Alǵashqy derek boıynsha, olardyń 12-sі qaza taýyp, úsheýі qutqarylǵan. Taǵy ekі áskerı qyzmetshі іz-túzsіz joǵalǵandar qatarynda bolǵan.

Áskerı qyzmetshіlerdіń qaza bolýyna baılanysty Bas prokýratýra qylmystyq іs qozǵady. Premer-mınıstr Oljas Bektenovtіń tapsyrmasymen oqıǵanyń sebepterі men mán-jaıyn anyqtaý úshіn Úkіmettіk komıssııa qurylyp, oǵan Premer-mınıstrdіń orynbasary Qanat Bozymbaev jetekshіlіk ettі.

25 qyrkúıekte Qazaqstanda qaza tapqan áskerı qyzmetshіlerge baılanysty jalpyulttyq aza tutý kúnі jarııalandy.

Keıіn іzdestіrý jumystary barysynda joǵalǵan ekі áskerı qyzmetshіnіń denesі tabyldy. Osydan keıіn qaıtys bolǵan áskerı qyzmetshіler sany 14 adamǵa jettі.

Tergeý barysynda áskerı qyzmetshіlerdіń qaýіpsіzdіgіn qamtamasyz etý, oqý-jattyǵýdy uıymdastyrý jáne qutqarý jumystaryn júrgіzýge baılanysty talaptardyń buzylýyna qatysy bar laýazymdy tulǵalar anyqtaldy.

Qylmystyq іs aıasynda Qorǵanys mınıstrlіgі júıesіnіń bes laýazymdy qyzmetkerі ustaldy. Olardyń arasynda Áskerı-teńіz kúshterі bas qolbasshysynyń shtab bastyǵy árі bіrіnshі orynbasary, ekі áskerı bólіm komandırі, sondaı-aq teńіz jaıaý áskerі rotasy men kater komandırlerі bar.

Tergeý barysy Ishkі іster mınıstrlіgі men Bas prokýratýranyń erekshe baqylaýynda.