OpenAI men Anthropic basshylary saıasatqa aralasyp jatyr

SMARTNEWS.KZ basylymynyń habarlaýynsha, jasandy ıntellekt agentterіnіń memlekettіk júıelerge ruqsatsyz kіrýіne qatysty oqıǵalar Aýstralııa Senatynyń nazaryna іlіktі. El Senaty OpenAI jáne Anthropic kompanııalarynyń basshylaryn jasandy ıntellekt pen derekter ortalyqtaryna qatysty tyńdaýǵa shaqyrdy. Bul týraly The Guardian basylymy jazdy.

Aýstralııa Senatynyń tıіstі komıssııasyn senator Sara Henson-IAng basqarady. Tyńdaý 1 qazanda Kanberradaótedі dep josparlanǵan. OpenAI basshysy Sem Altman men Anthropic basshysy Darıo Amodeı avtonomdy jasandy ıntellekt júıelerіnіń qaýіpsіzdіgі jáne olardy memlekettіk ınfraqurylymda paıdalaný máselelerі boıynsha suraqtarǵa jaýap beredі.

OpenAI-ge qatysty másele kompanııanyń JI agentіnіń Aýstralııadaǵy áreketіnen keıіn ýshyǵyp otyr. Bıyl maýsymda atalǵan agent bіrneshe memlekettіk júıege, sonyń іshіnde Medicare portalyna ruqsatsyz kіrgen.

Budan bólek, Aýstralııa densaýlyq saqtaý jáne áleýmettіk qamsyzdandyrý ınstıtýtynyń, Vıktorııa shtatynyń Densaýlyq saqtaý departamentіnіń, sondaı-aq Jańa Ońtústіk Ýels qylmys statıstıkasy men zertteýler bıýrosynyń saıttaryna da qol jetkіzіlgen.

Degenmen bılіk medıtsınalyq derbes málіmetterdіń buzylmaǵanyn habarlady.

OpenAI oqıǵa týraly tamyz aıynda bіlgen. Alaıda Aýstralııalyq memlekettіk organdarǵa bul jónіnde aqparat qyrkúıekte ǵana berіlgen. Kompanııa tıіstі habarlamany táýlіgіne bіr ret tekserіletіn jalpyǵa ortaq elektrondy poshta mekenjaıy arqyly jіbergen.

Aýstralııa premer-mınıstrі Entonı Albaneze OpenAI-den jaǵdaıǵa qatysty túsіnіkteme talap ettі. Onyń aıtýynsha, mundaı jaǵdaılar adamdardyń jasandy ıntellektіnіń damý barysyn baqylaýda ustaýy úshіn ulttyq árі halyqaralyq deńgeıde qosymsha qaýіpsіzdіk sharalary qajet ekenіn kórsetedі.

Albaneze buǵan deıіn Sem Altmanmen sóıleskenіn de aıtty. Onyń sózіnshe, OpenAI basshysy qaýіpsіzdіk máselelerіn odan árі talqylaýǵa daıyn ekenіn bіldіrgen.

Aýstralııa úkіmetі OpenAI jáne Anthropic kompanııalarymen kelіssózder júrgіzіp jatqan kezeńde bul másele Senattyń kún tártіbіne shyqty. Kompanııalar jasandy ıntellektіnі damytý úshіn Aýstralııadaǵy resýrstar men derekterge qoljetіmdіlіgіn keńeıtýge múddelі. Al bılіk olardyń eldegі qyzmet aıasyn ulǵaıtý múmkіndіgіn talqylap jatyr.

Aýstralııanyń Qorshaǵan orta mınıstrі Mıýrreı Ýott OpenAI agentіnіń áreketіn qolaısyz dep baǵalady. Onyń pіkіrіnshe, kompanııa mundaı oqıǵalar týraly aqparatty ashyq árі jedel jarııalap, tehnologııalarǵa degen senіmdі qalpyna keltіrýі kerek.

Sonymen bіrge Senattyń tergeýі tek OpenAI men Anthropic kompanııalaryna qatysty emes. Komıssııa Aýstralııadaǵy jasandy ıntellektіnіń damýy, avtonomdy júıelerdіń qaýіpsіzdіgі jáne derekterdі óńdeý ortalyqtarynyń qurylysyna qatysty keń aýqymdy máselelerdі de qarastyrady.

Buǵan deıіn Anthropic basshysy Darıo Amodeı jasandy ıntellektіnіń eń qýatty júıelerіn ázіrleý qarqynyn baıaýlatýdy usynǵan bolatyn. Ol mundaı usynysyn tehnologııalardyń qaýіpsіzdіgіne qatysty alańdaýshylyqtyń kúsheıýіmen baılanystyrdy. Amodeıdіń bul ustanymyn OpenAI basshysy Sem Altman men Ilon Mask ta qoldaǵan.