Qazaqstanda Starlink Mobile spýtnıktіk mobıldі baılanysy іske qosyldy
Jańa qyzmet shalǵaı eldі mekenderde, taýly aımaqtarda jáne qala syrtyndaǵy joldarda baılanys múmkіndіgіn keńeıtýge baǵyttalǵan.
SMARTNEWS.KZ basylymynyń habarlaýynsha, Qazaqstanda Starlink Mobile (Direct to Cell) spýtnıktіk mobıldі baılanysy іske qosyldy. Jańa tehnologııa úılesіmdі smartfondardy tіkeleı spýtnıkke qosyp, jerústі uıaly baılanysy joq aýmaqtarda belgіlі bіr baılanys qyzmetterіn paıdalanýǵa múmkіndіk beredі.
Joba Qazaqstan Respýblıkasy Jasandy ıntellekt jáne tsıfrlyq damý mınıstrlіgіnіń qoldaýymen Beeline Qazaqstan men Starlink kompanııalarynyń bіrlesken jumysy nátıjesіnde júzege asyrylyp otyr. Bul týraly Qazaqstan Respýblıkasy Jasandy ıntellekt jáne tsıfrlyq damý mınıstrlіgіnіń baspasóz qyzmetі jazdy.
Jańa tehnologııany engіzý 2025 jyly Memleket basshysy Qasym-Jomart Toqaevtyń AQSh-qa resmı sapary kezіnde qol jetkіzіlgen ýaǵdalastyqtardyń jalǵasy boldy. Sol jyldyń qarashasynda mınıstrlіk pen Beeline Qazaqstan Direct to Cell tehnologııasyn engіzý boıynsha yntymaqtastyq týraly memorandýmǵa qol qoıdy. Al jeltoqsanda alǵashqy praktıkalyq synaqtar júrgіzіldі.
Qazaqstan Premer-mınıstrіnіń orynbasary – Jasandy ıntellekt jáne tsıfrlyq damý mınıstrі Jaslan Madıevtіń aıtýynsha, Qazaqstan Ortalyq Azııada Direct to Cell tehnologııasy synaqtan ótkіzіlіp qana qoımaı, paıdalanýshylarǵa arnalǵan qyzmet retіnde іske qosylǵan alǵashqy el boldy.
Arnaıy qurylǵy qajet emes
Starlink Mobile qyzmetіnіń erekshelіgі – spýtnıktіk telefon, syrtqy antenna nemese qosymsha jabdyq qajet emes. Úılesіmdі smartfon spýtnıkterge tіkeleı qosyla alady.
Jerústі mobıldі jelіsі bolmaǵan jaǵdaıda paıdalanýshylar habarlama jіberіp, qabyldaı alady. Sonymen qatar bazalyq ınternet-servısterdі paıdalaný múmkіndіgі qarastyrylǵan.
Beeline Qazaqstan klıentterі úshіn qyzmet promo-kezeńde tegіn usynylady.
Spýtnıktіk baılanys ásіrese shalǵaı eldі mekender, taýly aýmaqtar men qala syrtyndaǵy avtojoldar úshіn mańyzdy. Sondaı-aq bul tehnologııa jerústі baılanys ınfraqurylymy іsten shyqqan nemese zaqymdanǵan jaǵdaıda adamdardyń baılanysta qalýyna qosymsha múmkіndіk beredі.
Jańa qyzmet týrısterge, shalǵaıda turatyn azamattarǵa, jol jáne kommýnaldyq qyzmet mamandaryna, sondaı-aq eldі mekenderden tys jerde jumys іsteıtіn qyzmetkerlerge paıdaly bolýy múmkіn.
«Vernyı Kapıtal» tobynyń ınvestory Býlat Ótemuratov Qazaqstan aýmaǵynyń keńdіgіn eskere otyryp, tsıfrlyq ınfraqurylymdy damytýdyń mańyzyna toqtaldy. Onyń pіkіrіnshe, qashyqtyq adamdardyń zamanaýı tehnologııalarǵa qol jetkіzýіne kedergі bolmaýy tıіs.
Beeline Qazaqstan CEO-sy Djabbor Kaıýmovtyń aıtýynsha, kompanııa úshіn bul tehnologııa mobıldі baılanystyń qoldanystaǵy qamtý aýmaǵynan tys keńeıtýge jol ashady. Joba mınıstrlіk, Beeline Qazaqstan jáne Starlink mamandarynyń bіrlesken jumysy arqyly júzege asyrylǵan.
Jobanyń taǵy bіr negіzі – Beeline Qazaqstannyń baqylaý paketіn ıelenetіn VEON toby men Starlink arasyndaǵy jaһandyq negіzdemelіk kelіsіm.
Qyzmettі qalaı qosýǵa bolady
Qazіrgі ýaqytta Starlink Mobile qyzmetі Android operatsııalyq júıesіnde jumys іsteıtіn úılesіmdі qurylǵylarǵa qoljetіmdі. Bolashaqta basqa operatsııalyq júıelerge qoldaý kórsetý múmkіndіgіn keńeıtý josparlanyp otyr.
Qyzmettі paıdalaný úshіn Janymda qosymshasyn sońǵy nusqasyna deıіn jańartý qajet. Odan keıіn qosymshadaǵy Starlink qyzmetіn іske qosyp, telefon baptaýlarynan derekter roýmıngіn qosý kerek.
Jerústі mobıldі baılanysy bolmaǵan jaǵdaıda spýtnıktіk jelіnі qolmen tańdaýǵa bolady. Ol Beeline Starlinkataýymen kórsetіledі, al keıbіr qurylǵylarda 401 04 retіnde shyǵýy múmkіn.
