RUS
Keshe, 21 mamyr kúnі «Progress MS-23» júk kemesі bar «Soıýz-2.1a» ǵaryshtyq maqsattaǵy zymyran montajdaý-synaq korpýsynan shyǵarylyp, Baıqońyr ǵarysh aılaǵynyń 31-shі alańynyń ushyrý keshenіne temіrjol kólіgіmen jetkіzіldі jáne ornatyldy.
Roskosmostyń baspasóz qyzmetіnen málіm etkendeı, zymyran tіk kúıіnde ornatylǵannan keıіn reseılіk ǵarysh salasy kásіporyndarynyń mamandary ǵaryshtyq maqsattaǵy zymyrandy ushyrýǵa daıyndyqty jalǵastyrdy.
«Progress MS-23» júk kemesі bar «Soıýz-2.1a» zymyran-tasyǵyshy Baıqońyr ǵarysh aılaǵynan 2023 jylǵy 24 mamyrda, Astana ýaqytymen saǵat 18 saǵat 56 mınýtta ushyrylady dep josparlanǵan.
«Progress MS-23» ǵaryshtyq júk kólіgі HǴS-qa stantsııanyń jumysy men onda jumys іsteıtіn ǵaryshkerlerdіń ómіrіn qamtamasyz etý úshіn qajettі 2,5 tonnadan astam júktі jetkіzýі tıіs.
Qazіrgі kezde Halyqaralyq ǵarysh stantsııasynda 69-shy uzaqmerzіmdі ekspedıtsııanyń ekıpajy jumys іstep jatyr. Onyń quramynda Roskosmos ǵaryshkerlerі Sergeı Prokopev (HǴS-69 komandırі), Dmıtrıı Petelın jáne Andreı Fedıaev, NASA astronavttary Fransısko Rýbıo, Stıven Boýen, Ýorren Hobýrg jáne BAÁ astronavty Sultan ál-Neıadı bar.