RUS
Endі óz qarajatyn ınvestıtsııalaýdy josparlaǵan qazaqstandyqtar kompanııanyń senіmdіlіgіn Qarjy naryǵyn damytý jáne retteý agenttіgіnіń reestrіnen ǵana emes, sonymen qatar osy tіzіmde de teksere alady.
«Aıta ketý kerek, agenttіk bıylǵy jyl basynan 22 qarjy pıramıdasyn anyqtaǵan. Kıberbaqylaý júıesіnde 4 myńǵa jýyq saıttar men akkaýntar buǵattaldy.
Aldyn alý jumystary aıasynda áleýmettіk jelі qoldanýshylaryna eskertýler jіberý nátıjesіnde búgіnde 52 myń jelі paıdalanýshysy qarjy pıramıdasy belgіlerі bar kontentke jazylýdan bas tartty», - delіngen Qarjylyq monıtorıngі agenttіgіnіń málіmetіnde.
Eske salaıyq, ınvestıtsııa salmas buryn kompanııada qarjylyq pıramıda belgіlerіnіń bar-joǵyn QMA Telegram-botynan bіlýge bolady. Jyl basynan qyzmetke 3511 ótіnіsh túsken.
«Azamattardy qyraǵy bolýǵa jáne aqsha qarajatyn kúmándі qarjy ınstıtýttaryna salmaýǵa shaqyramyz. Eger sіz jáne sіzdіń jaqyndaryńyz qarjy pıramıdasynyń áreketіnen zardap shekse, QMA sall-ortalyǵyna (1458) habarlasa alady», - dedі agenttіkten.