11,2 mlrd teńgenіń astyǵy: QMA Qazaqstandaǵy «sur» eksport shemasyn áshkereledі

SMARTNEWS.KZ basylymynyń habarlaýynsha, Qazaqstanǵa shetelden ákelіngen astyqty qazaqstandyq ónіm retіnde rásіmdep, keıіn shetelge eksporttaǵan іrі «sur» shema áshkerelendі. Bul týraly Qarjylyq monıtorıng agenttіgі jazdy.

QMA-nyń Batys Qazaqstan oblysy boıynsha departamentі anyqtaǵan shema arqyly shamamen 130 myń tonna astyq Qazaqstan aýmaǵy arqyly Ózbekstan, Aýǵanstan jáne Tájіkstanǵa jóneltіlgen. Eksporttalǵan ónіmnіń jalpy quny 11,2 mlrd teńgenі quraǵan.

Tergeý málіmetіnshe, shemany júzege asyrý úshіn kommertsııalyq kompanııalar aldyn ala nomınaldy basshylardyń atyna tіrkelgen. Keıіn atalǵan kompanııalar men qazaqstandyq sharýa qojalyqtary arasynda astyq satyp alýǵa qatysty jalǵan kelіsіmsharttar jasalǵan.

Osynyń arqasynda shetelden ákelіngen astyq qujat júzіnde Qazaqstanda óndіrіlgen ónіm retіnde rásіmdelіp, ony tasymaldaý kezіnde jeńіldetіlgen tarıf qoldanylǵan.

QMA málіmetіnshe, shemaǵa Bakery Nan, KazGrano, Perfect Seed, Weizen jáne Golden Grain Kazakhstan JShS-lerі qatysqan.

Budan bólek, kúdіktіler baqylaýyndaǵy kompanııalardyń shottarynan qarajatty affılırlengen uıymdardyń esepshottaryna aýdaryp otyrǵan. Vedomstvonyń málіmetіnshe, bul tásіl salyq bereshegіn óndіrіp alýdan jáne kredıtorlar aldyndaǵy mіndettemelerdі oryndaýdan jaltarý úshіn qoldanylǵan.

Saldarynan memleketke jalpy 1,2 mlrd teńge kólemіnde shyǵyn keltіrіlgen. Onyń іshіnde «QTJ – Júk tasymaly» kompanııasyna tranzıttіk tarıftіń tólenbeýіnen 1 mlrd teńgeden astam zalal kelgen.

Qylmystyq іs boıynsha bes adam kúdіktі dep tanylǵan. Sotqa deıіngі tergeý aıaqtalyp, qazіr protseske qatysýshylar іs materıaldarymen tanysyp jatyr.

QMA tergeý múddesіne baılanysty Qazaqstan Qylmystyq-protsestіk kodeksіnіń 201-babyna sáıkes іstіń ózge mán-jaılary jarııa etіlmeıtіnіn habarlady.

Buǵan deıіn Aýyl sharýashylyǵy vıtse-mınıstrі Azat Sultanov Qazaqstanda dándі daqyldar ónіmіn jınaý naýqany aıaqtalýǵa jaqyn ekenіn málіmdegen edі.